Comunicado oficial: II All Star Futbolinlugo

Explicamos as decisións tomadas sobre a gran festa do fútbol lucense

O equipo de Futbolinlugo acordou o seguinte no tocante á realización do II All Star Futbolinlugo, a gran festa anual do fútbol lucense:

1. O evento pasa ao ano 2021, ao remate da campaña 20-21. Consideramos que a situación actual, e os riscos sanitarios que derivan dela, impiden a celebración da festa do fútbol lucense nunhas condicións de seguridade máxima. O fútbol é da xente. E o All Star sen público e con xogadores expostos a riscos, non ten sentido algún.

2. A organización quere agradecer todas as facilidades mostradas, dende o minuto 1, polo Concello de Chantada. Polo tanto, xa podemos anunciar que o lugar de celebración manterase. E O Sangoñedo seguirá acollendo o II All Star Futbolinlugo, a pesares do cambio de ano.

3. O equipo organizativo desexa dar as grazas a todos os colaboradores na sombra, que levaban tempo axudando á conformación da gran festa do fútbol lucense. Entre eles aos seleccionadores que xa tiñamos confirmados (algún sen anunciar). Polo tanto, os seguintes adestradores, que confiaron cegamente en nós, teñen a oferta de seguir formando parte do staff técnico no ano 2021:

-Roberto Trashorras: Exxogador de Primeira División e de equipos como Rayo Vallecano ou Celta.

-Roberto Fernández: Exporteiro profesional. Seleccionador no I All Star Futbolinlugo e actual preparador de porteiros do CD Lugo.

-Pili Neira: Primeira seleccionadora galega e seleccionadora no I All Star Futbolinlugo.

-José Manuel Taboada ‘Marolas’: Emblemático adestrador do fútbol afeccionado na zona sur da provincia.

4. Futbolinlugo atópase estudando unha fórmula para poñer o punto e final á temporada 19-20 acorde aos tempos que corren. O que si temos claro é que esta campaña existiu e o moito traballo que se fixo nela por parte de todos os axentes involucrados no fútbol lucense. Aínda que se chegase a anular a temporada por parte dos organismos oficiais, nós vémonos na obriga de recoñecer todo o esforzo realizado polos nosos.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.