Clinic de porteiros do CD Lugo

O Departamento de Comunicación do CD Lugo presentou o pasado día 3 de marzo un novo modelo de campus, que terá lugar os días 10 e 11 de abril no Campo do Ceao. Nel, os protagonistas serán os porteiros. Nenos nacidos entre 2001 e 2007 poderán participar nesta experiencia que consistirá en adestramentos específicos para gardametas, contando con diversos exercicios.

Desde Futbolinlugo, queremos profundizar máis nas actividades que se realizarán neste clinic, e falamos con Rubén Arce, coordinador de adestradores de porteiros da base do CD Lugo e encargado de dirixir o campus.

Futbolinlugo: Ola Rubén. Como encargado da dirección do clinic, tamén fuches ti o encargado de organizalo e pensalo?

Rubén Arce: A idea sae do encargado de realizar os eventos do clube, Julián Castaño, e eu como traballador do clube colaboro e dirixo os contenidos técnicos e tácticos do clinic.

 

Futbolinlugo: Que actividades van ter lugar no Campus?

Rubén Arce: Desde o punto de vista técnico vamos traballar os aspectos defensivos e os ofensivos. No defensivo, agarres, blocaxes, recollidas, prolongacións, despexes de puños… No ofensivo, fundamentalmente saques de meta, pases coa man, golpeo co pé, voleas e semivoleas.

En canto á táctica, traballaremos tiros, centros e os diferentes tipos de golpeo. Tamén situacións de man a man, pases en profundidade, balón parado…

 

Futbolinlugo: Na presentación, falabades das «Batallas de gardametas». En que consisten?

Rubén Arce: Son a parte lúdica do clinic. Consisten en dúas porterías enfrontadas a unha determinada distancia en función da idade dos participantes, e os dous xogadores son porteiros e lanzadores á vez. É como un reto no que o que antes chegue a un determinado número de goles pasa de ronda. Así, organízase unha especie de torneo que vai por idades.

Rubén Arce é o encargado da dirección do clinic.

Futbolinlugo: Os metas do 1º equipo visitarán aos cativos. Que poderán facer os rapaces con eles?

Rubén Arce: Está aínda por confirmar. Cacharrón vai participar nas actividades 100% seguro, porque está máis en contacto comigo. Roberto e Xosé Xoán dependerán do primeiro equipo, de se teñen adestramento, se non… Iso será xestionado polo clube. A súa presenza sí é fixa e eu apostaría porque sí participarán nas actividades, pero non o podo confirmar.

 

 

 

Futbolinlugo: Xa está aberto o prazo de inscrición. Contades con mover a un amplo número de nenos, ou pensades nunha participación escasa ao ser a primeira edición?

Rubén Arce: É unha primeira toma de contacto, pero agardamos que teña boa aceptación. É novidoso, xa que en Lugo non se fai en ningunha outra parte a día de hoxe. Fíxoo con anterioridade Óscar na súa Escola de Porteiros, pero agora xa non o fai. É unha boa oportunidade de traballar especificamente en dúas mañás completas.

 

Futbolinlugo: Buscades grandes talentos ou o clinic é tan só unha actividade de cara a formación?

Rubén Arce: Está orientada á formación xeral, xa que para buscar talentos contamos cun gran equipo de «scouting» no que cada fin de semana desprazámonos varios adestradores e vemos partidos de todos os clubes da provincia e de fóra, polo que coñecemos á maioría dos rapaces.

 

Futbolinlugo: Moitas gracias Rubén.

Rubén Arce: A vós.

 

Agradecemos a Rubén a Rubén a súa colaboración e agardamos que todo saia o mellor posible nesta interesante actividade.

 

 

 

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.