Cal é o futuro do fútbol galego?

Na tarde de onte, martes 14 de abril, a RFEF mantivo unha reunión extraordinaria para determinar que pasará coas ligas non profesionais nesta 2019/2020. Son moitos os clubes que se achan nunha situación incerta por mor do parón indefinido no fútbol, moitos que poden ver frustrado o traballo de oito meses de concluíren as competicións. Xa non só a nivel deportivo, senón tamén a nivel económico, se perderían grandes inversións realizadas por algunhas entidades para conseguir o ascenso ou manter a división.

Porén, o máis importante é a saúde. Aínda así, a Federación xa prepara unha solución para estas categorías non profesionais, especialmente para a Terceira División e a Segunda División “B”. A falta de confirmación oficial, a intención e a disputa dun playoff entre os catro primeiros clasificados de cada grupo e a conclusión inmediata da liga regular, sen descensos. Por tanto, o Polvorín e o Racing Villalbés permanecerían un ano máis na máxima división do fútbol galego.

O playoff consistiría nunha final-four entre SD Compostela, Ourense CF, Arosa SC e CD Barco, a partido único e en sede neutral. Para o resto das categorías semella que tamén se estudan distintas opcións, entre as que se fala de que ascendan máis equipos dos que están en posicións de ascenso. De momento, pese a todo, nada é oficial.
Outra opción posible para a Terceira, que coñecemos onte da man de Manu Amor, é a creación de dous grupos para a 2020/2021, nos que entrarían os catro ascensos de Preferente (Viveiro, Fisterra, Ribadumia e Atios) e  a Agrupación Estudiantil.

Desde Futbolinlugo quixemos falar cos dous adestradores dos conxuntos lucenses na Terceira, Simón Lamas (Racing Villalbés) e José Durán (Polvorín). O técnico do filial do CD Lugo sinala que “pensando nos nosos intereses a nós válenos calquera opción, aínda que é certo que nos gustaría rematala, xa que estabamos nun gran momento de forma e nos deixa un sabor amargo non poder saber até onde seriamos capaces de chegar”.

O preparador chairego, pola súa banda, pensa que “aínda que todos os equipos desexarían facer méritos no campo e que todo se solucionase o antes posible, como non vai ser así o importante é acabar coa crise sanitaria e social, polo que o fútbol queda nun segundo plano.” Simón Lamas considera “un erro que si haxa ascensos e non descensos, porque ambas cousas son igual de importantes”, ademais de estar en contra de que “se altere o formato de competición vixente nunha Terceira División que merece moito respecto, polo que é unha decisión apresurada e pouco relevante no momento no que estamos, xa que é momento de priorizar outras cuestións.

Manteremos informada á nosa comunidade das novas!

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.