Borracheira de fútbol e fin de festa na Madalena

Jorge Tato estaría orgulloso. A súa Copa tivo un final á altura do seu legado. Nun escenario inmellorable, nese que estaba chamado a triunfar, Outeiro de Rei e Peluquería Mixta Friol impuxeron a súa lei.

Baixo un sol de xustiza e unha calor abafante comezou a tarde de fútbol na Madalena. O día D do fútbol lucense. A final feminina abría o telón cun claro favorito: O Peluquería Mixta Friol. Por xerarquía e por diferenza de categoría. Os seus golazos durante o encontro ben o demostraron. Iso sí, a meta da Reigosa tivo que realizar algunha que outra parada de mérito ante o ordeado e traballado conxunto de Melendo. A Copa foise outra vez máis para Friol pero en Antas quedaron coa idea, de que teñen fútbol feminino para longo. Cheira moi ben ese proxecto.

O ritmo baixo do primeiro encontro mantívose para a final masculina. Nin os famosos ‘cooling break’ eran quen de limitar o desgaste físico que xeraban tales condicións atmosféricas. Nun comezo cheo de imprecisións e de dúbidas, o Outeiro adiantouse cun soberbio lanzamento de David Pereiro. A reacción do pobo do Páramo tardou moi pouco. Dende a grada e dende o céspede. Alí Robertito, perro vello nisto do balompé, sacoulle un penalti ao Mago Charly. Que nin coa súa maxia puido evitar o tanto dos de Fontal. A partires de aí, os de Juan Peón asumiron a iniciativa. Mandaban porén faltáballes pegada e decisión nos últimos metros. Por sorte, antes do descanso chegou o segundo. Trigo explorou territorios insospeitados e plantouse en liña de fondo. E asistiu a Pereira para que marcase a placer.

Na reanudación, un Páramo mermado competiu ata o pitido final. Nin as lesións de Borjita e Álex acabaron con eles. Mesmo dispuxeron de dúas boas oportunidades para igualar no tramo final. Dieguito e Borja non atoparon o camiño do gol. O que sí fixeron Iago Yebra e o recén entrado Xoel. Copa inmaculada do Outeiro, que evitou a machada dun Páramo con argumentos para dar aínda máis alegrías á súa afección.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.