As últimas notas da temporada veñen cun formato diferente xa que consideramos que os catro equipos teñen o seu mérito por chegar a estas alturas da competición copeira. Destacamos o traballo de todos, eliminamos a nosa sección «nin pé con bóla» e subliñamos o mérito dos campións provinciais tanto no torneo feminino como no masculino.

O ás: Sporting Pontenova

Un dos acertos do éxito do Sp. Pontenova estivo na confección do cadro de xogadores

O conxunto adestrador por Dani Moirón pechou unha temporada espectacular que xa forma parte da historia deste club. O equipo conseguiu un dobrete despois de quedar campión do grupo norte da Segunda Galicia o que lles permitiu ascender de categoría, ademais de proclamarse este pasado domingo campións da Copa de Segunda e Terceira. O conxunto da Mina mostrouse superior na totalidade das eliminatorias aínda que na final sufriu para derrotar a un Friol que nunca se rendeu. 3-2 foi o marcador final, despois de que o club friolés remontase o tanto inicial de Andrés Fernández cos goles de Alejandro Cabado e Alberto Buján. Non obstante, o Pontenova reacciounou rápido e volveu poñerse por diante cos goles de Andrés Bouza e Antonio Gavín.

A figura: Peluquería Mixta Friol

As xogadoras do Friol quentando nun partido esta tempada.

Unha vez máis o Peluquería Mixta Friol mostrouse dominador do fútbol lucense e levouse o torneo da Copa ao derrotar por 9-0 ao Antas. A escasa actividade no último mes e medio do conxunto friolés non fixo mella e notouse no campo a diferenza de categoría que hai entre os dous equipos. Ao descanso o equipo adestrado por Geluco xa gañaba por 3-0 con goles de Raisa Méndez, Eva Pérez e Lucía Pardo quen anotaría tres tantos máis no segundo tempo. Completaron o cadro de goleadoras Estefanía Varela con dous goles e Carmen Ceide. Remata así unha boa temporada máis na que o Peluqeuría Mixta Friol rematou na quinta posición da Segunda División, sendo o terceiro mellor equipo galego. Pola súa banda, tamén hai que destacar un ano máis o traballo do Antas que segue mantendo vivo o espírito do fútbol feminino na provincia. Finaliza o curso cun subcampionato de Copa e coa sexta posición no grupo 1 da Segunda División galega.

A anécdota: As finais no Anxo Carro

O único estadio nestes momentos do fútbol profesional da provincia acolleu as finais da Copa o que supuxo un plus para o cadro de futbolistas dos catro equipos, xunto co corpo técnico e tamén para a afección. Algo que foi aínda máis especial para a xente de Friol que puido ver como os seus dous equipos xogaban dúas finais. Un dato histórico para o deporte do balompé friolés.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 558

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.