A primeira xornada do 2019 anunciaba partidazos e non defraudou. Incluso trouxo cambios importantes na clasificación como a saída do Polvorín da zona de descenso na Terceira, o abandono do Viveiro do posto de ascenso directo na Preferente ou a inclusión do Guitiriz e do Bóveda nas posicións de ascenso na Segunda Rexional. Ademais de resultados tamén trouxo a reestrea de dous campos reformados.

Novo Gandarón en Paradela

O Paradela encetou o novo ano xogando o seu primeiro partido como local dende a reforma do Gandarón. Con céspede novo e reformas nas instalacións o Paradela tentará que o seu estadio sexa de Segunda a tempada que vén. O equipo adestrado por Rubén Bergantiños comezou a segunda volta empatando ante un rival directo como é o Antas, pero mantense como líder xa que o Quiroga perdeu no San Martiño co Rubián.


 O Meira volveu á Lomba

Nos últimos anos era habitual que o Meira tivese que utilizar outros campos para xogar os seus partidos durante o inverno. Tamén foi así durante algúns partidos desta campaña, pero o pasado sábado o cadro meirego volveu a súa casa despois do cambio de céspede. O cadro local empatou na Lomba ante o Iberia nun duelo directo da zona baixa cun dobrete dun clásico do fútbol provincial como é Farra. Aínda así, aumentou a súa diferenza cos postos de descenso directo (6 puntos).

De regreso paramos nos bares

O fútbol afeccionado tamén se xoga en horario de mañá. Este domingo o Riotorto e o Burela enfrontáronse nun encontro da Primeira Rexional que finalizou con vitoria visitante. Javi Celes marcou o gol do cadro verde que de volta ao seu concello decidiron facer unha parada en Lourenzá. Os puntos gáñanse no campo e os triunfos celébranse nos bares.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 550

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.