As nosas guerreiras da fin de semana

Como cada xoves, hoxe traemos unha vez máis a sección na que analizamos a xornada das nosas futbolistas, quen -como xa nos teñen afeitos- defenderon o nome da provincia durante os noventa minutos. Agora, nós analizamos ditos choques!

Esta semana, a nosa representación na Primeira División «B», o PM Friol, tivo descanso polo parón de seleccións. Porén, si xogou o seu filial, da Primeira Galicia, na casa da SD O Val, onde venceron as de Narón por 3-2. As lucenses pelexaron durante todo o partido, e a piques estiveron de sacar algo positivo de Ferrolterra logo de ir perdendo por 3-0 no minuto 66. No próximo partido, na Reigosa ante o Valladares «B», de seguro que se verán reflectidas todas as cousas positivas que se viron esta pasada semana.

O outro equipo da Primeira Galicia, a SD Antas, continúa coa súa xeira positiva de resultados tras vencer ao Alertanavia por 2-1, nun choque de ida e volta que se decantou a prol das locais cun gran tiro de Nuria no minuto 90. Así, as de Chapa suman 7 dos últimos 9 puntos disputados.

Xa na Segunda Galicia, a mellor nova da xornada veu dada polo Carballedo, que estreou o seu casilleiro tras vencer 2-4 ao Portazgo con goles de Diana Picos, Laura Delgado e dúas faltas milimétricas asinadas por Paloma, unha das máis destacadas do encontro. Asemade, o CD Lugo apisonou ao Olímpico (0-15), vencendo xa por 0-4 no minuto 9. Ademáis das goleadoras, destacaron os papeis de Raquel e Andrea, xogadoras moi novas que son capaces de levar o timón do centro do campo.

A SG Comercial non pasou do empate (1-1) na casa do Sporting Burgo, tras un duelo moi completo no que as visitantes mereceron gañar, pero as coruñesas lograron o empate a falta de cinco minutos para o pitido final. A dobre cara da moeda caeu no Sangoñedo, onde a SD Chantada caeu 1-2 ante o Once Caballeros, logo de voltear o choque as visitantes.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.