As nosas guerreiras da fin de semana

Como todos os xoves, hoxe traemos a sección semanal de fútbol feminino. As nosas rapazas, domingo tras domingo, compiten por deixar o nome dos seus clubes e da provincia o máis alto posible. Así, o PM Friol, que compite na Liga Reto Iberdrola, deu todo por puntuar na súa casa ante o Real Oviedo, pero as asturianas foron moito máis efectivas que as lucenses ao longo de todo o choque e conseguiron a victoria por 1-4. Tras chegar 0-2 ao intermedio, as da Reigosa reaccionaron e a piques estiveron de remontar tras o 1-2 asinado por Andrea. Porén, cando mellor estaban as locais, as carballonas asinaron o 1-3 que deixou o partido morto até o 1-4 final.

Tampouco tivo sorte o filial do PM Friol na Primeira Galicia. As de Covi, recén ascendidas, pecaron da súa mocidade e caeron por 0-6 ante un dos favoritos a acadar o ascenso, a UD Mos. Pese a iso, o resultado non reflicte o que se viu no xogo, un choque moito máis igualado do que semella ao observar o marcador. O outro equipo lucense da categoría, a SD Antas, conseguiu a súa segunda victoria do ano na casa do Victoria de Santiago (1-2). As de Chapa pasaron a maior parte do primeiro tempo repregadas e cedendo a posesión as compostelanas, o que fixo que ao descanso o resultado fose 1-0. Porén, na segunda metade foron moito máis valentes e, froito diso, Nuria asinou dous goles -un deles, de penalti- que completaron a remontada.

Na Segunda Galicia, a SD Chantada caeu 4-0 na casa do Sporting Cambre, un rival que lles puxo as cousas moi difíciles e que lles serve ás chantadinas para aprender e mellorar de cara ao próximo duelo. O Carballedo tamén perdeu, 1-2, ante o Sporting Burgo, tras un gran partido no que fallou a pólvora, xa que as locais perdoraron catro mans a mans e erraron un penalti.

As boas noticias da xornada viñeron dadas pola SG Comercial, que venceu ao Once Caballeros (3-2) nas Gándaras nun partido no que o resultado tería sido máis amplo de manter a concentración os 90 minutos. Precisamente amplo foi o 11-0 que lle endosou o CD Lugo ao Portazgo, cunha enorme actuación de todas as xogadoras. Máis aló de iso, destacou Esther, con catro goles, e o ritmo que impuxeron as albivermellas todo o partido.

Con isto, só restan por comezar as categorías de Fútbol-8, nas que compiten SD Burela e SCD Milagrosa!

 

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 535

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.