Adrián Vázquez: «Se alguén quere apuntarse ao reto, xenial»

Adrián Vázquez manda unha mensaxe de tranquilidade dende a Ulloa trala dimisión de Rielo

Hoxe diriximos a mirada a Cerdeiriños, onde están a pasar unha temporada complicada. O filial do Monterroso ocupa o último posto no grupo Sur da Segunda Galicia. E quizais, o máis sorprendente, é a clasificación do primeiro equipo. Pelexando por manterse un ano máis na Primeira, cando nas últimas campañas estivo a piques de ascender a Preferente. Dende o clube da Ulloa móstranse tranquilos, consciente de que é unha situación con solución. E que só fai falla tempo. Así o ve o coordinador deportivo, Adrián Vázquez.

FUTBOLINLUGO: Como definirías a situación actual do primeiro equipo?

ADRIÁN VÁZQUEZ: O primeiro equipo vive unha situación un pouco inestable. Estamos nunha zona que nos preocupa. Roberto Rielo decidiu deixar paso a alguén novo para que exista un pequeno cambio. El coma nós viamos o grupo algo bloqueado. Non é que o equipo non queira e que non da agora mesmo. Por certo, aproveito para agradecelle a Roberto os servicios prestados.

FIL: Onde reside o problema logo?

A.V: Eu creo que é un problema mental. Nos dous últimos partidos… O do Pastoricense era para gañar con certa tranquilidade coas ocasións que tivemos. E co Chantada Atlético, ca primeira media hora que fixemos, era para estar máis tranquilos. O equipo non é capaz de xogar tranquilo e impoñerse co marcador a favor.

FIL: Por onde pasa o futuro máis cercano?

A.V: A curto prazo imos resolver a situación con xente da casa. Eu estarei un poquiño presente e tiraremos con Omar, o segundo adestrador. Así coma con Brais, técnico do filial. Iso sí, estamos en busca dunha persoa, un adestrador que teña ganas de sacar isto adiante.

FIL: Qué perfil de adestrador buscades?

A.V: Alguén que coñeza a categoría e se pode ter experiencia neste tipo de situacións, sería interesante. Non é un requisito imprescindible. Pero sobre todo que aporte confianza ao grupo para que a xente xogue sen esta presión que ten enriba. Se alguén quere apuntarse ao reto, xenial.

FIL: Resulta curioso que cambiase tanto a dinámica, non? En Cerdeiriños segue o bloque dos últimos anos que tan bos resultados deu…

A.V: Houbo baixas importantes coma Hugo, Fernandito ou Chumi. Salientables. A gran base do equipo está pero foi moi complicado ter a todo o grupo ao completo. Agora máis ou menos está todo o mundo. Quitando a Melchor e Dabouza, que está fóra e só o temos ás veces. O problema das lesións parece que xa pasou. Poden volver, iso sí.

FIL: Buscades tamén xogadores no mercado?

A.V: En canto a xogadores non plantexamos incorporacións. Se surxise algo estudaríase. Pero a filosofía do clube é moi clara. Temos xente da casa, formando na nosa base. Quitando o caso de Cañón, que se adaptou moi ben e nos brinda moi nivel… Estamos tirando do que ten que ser un equipo de pobo. Da xente do pobo.

FIL: Clube de pobo, pero que deu moitos pasos adiante…

A.V: Estamos en crecemento no tema de fútbol-8. Mantemos o xuvenil e gozamos de boa saúde, con oito equipos en liza. Ademais dos veteráns.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.