O Viveiro comezou con bo pé esta temporada 2024/2025. Tres vitorias e un empate en catro xornadas situaron ao conxunto mariñán no pelotón de cabeza dunha Terceira RFEF que promete máxima igualdade, como en anteriores edicións.
Un dos referentes deste conxunto, malia súa xuventude, é o coruñés Adrián Lombao Chao (A Coruña, 28-07-2004). Na súa segunda temporada no Viveiro, o coruñés ten un gran peso nas alineacións de Jandri Rego e vén de anotar dous goles no triunfo viveirense fronte ao Vilalonga en Cantarrana.
Adri Lombao pasou polos micrófonos do Ser Deportivos e respostou ás preguntas de Álex Gato, presentador do espazo, e Marcos Fernández, redactor de Futbolinlugo.
Podedes escoitar aquí a entrevista íntegra:
O gran comezo do equipo. «Moi feliz e moi emocionado de como arrancamos a liga. De momento todo vai sobre rodas«.
Dous goles e tres puntos co Vilalonga. «O máis importantes foi a vitoria. É importante aproveitar a boa racha e a boa dinámica. Aínda que comezamos perdendo soubemos darlle a volta ao marcador. A nivel persoal contento por poder marcar. Son os meus primeiros goles co Viveiro. O ano pasado tiven boas actuacións, pero non fun quen de marcar e os goles sempre dan confianza«.
Obxectivo. «Desde o adestrador ata calquera xogador sabemos que o gran obxectivo é a permanencia. Pero temos que seguir traballando como o levamos facendo desde o día 1 de agosto, e se vén algo máis, pois moito mellor«.
A saída do Deportivo. «Desde primeiro ano de benxamíns estiven no Deportivo. Foron once anos nos que estiven moi cómodo. Tiven que buscar outro camiño, que é difícil, pero con xente que te apoia lévase mellor. A verdade é que me veu moi ben, sobre todo a nivel persoal. Dinme conta o que é xogar noutro tipo de equipos que non sempre leven a iniciativa, pelexar . . . creo que medrei moito grazas a eso».
Segunda temporada nun renovado Viveiro. «Renovamos oito xogadores, seguimos un bo bloque, pero somos vintecatro xogadores, Moita xente nova, que xa aporta e aínda vai aportar máis, que é o máis importante«.
Foto de portada: El Progreso
