A xornada dos empates e de dous equipos desatados

Tres igualadas sen goles en medio da escalada de Pol e Riotorto

Os Máxicos da Xornada número 13 así como os resumos de cada encontro, só aquí en Futbolinlugo:

 

*Guntín-Folgueiro: Ladairo certificou a seriedade de dous equipos que non querían perder. Na primeira metade, os infortunios remataron en goles. Adiantouse o Folgueiro nun balón aéreo que se lle escapou a Diego. Igualou o Guntín nun esvarón dun central mariñán. Tralo descanso chegou a polémica, por un discutible gol anulado aos de Jandri Rego. Dende aí, ocasións para ambas escadras. Ningunha perforou a meta rival e un puntiño por barba.

*Chantada Atlético-Xove Lago: Guión perfecto para o Xove Lago ante un Chantada Atlético que non soupo ler o partido. O encontro, moito máis igualado do que reflicte o 0-3 final, explícase na pegada mariñana e no bo facer de Trullo. Os de Bruno Gómez marcaron nos momentos clave, defenderon con brillantez e Trullo mostrouse coma un muro infranqueable. Juanjo Coello asinou un doblete.

*San Roque-Outeiro de Rei: Marcado centrocampismo na Polvoreira. A defensa do San Roque foi un muro para un Outeiro de Rei que monopolizou a posesión e dispuxo das mellores ocasións. Poucas pero boas. Os de Josito Jul topáronse co pau unha vez en cada metade. O balón non lles quixo entrar. Nin no último cuarto de hora, no que o asedio visitante resultou patente. Resistencia numantina dos de Montirón e un punto para cada equipo. Os goles quedarán para a próxima xornada.

*Friol-Lourenzá: Importante triunfo do Friol, que colle aire na táboa. Os de Abad firmaron unha gran primeira metade. Adiantáronse e dispuxeron de oportunidades para aumentar a súa mínima renda ao descanso. Na reanudación, a presión alta do Lourenzá dificultou ao seu rival. O encontro derivou nun intercambio de chegadas entre ambos conxuntos. Os de Diego Rego tivéronas para empatar e os da Reigosa para matar o partido. Iso sí, o marcador non se moveu máis.

*Atlético Escairón-Pastoricense: Un serio e correoso Pastoricense arañou un traballadísimo punto no Saviñao. O Atlético Escairón tentouno durante todo o encontro pero a súa pólvora estaba mollada. Aínda así, os de Fran Veiga tiveron as súas ocasións. E foron quen de aguantar o arreón final dun conxunto local en superioridade numérica pola expulsión de Gabi. Os do Acebreiro sitúanse en postos de descenso a pesares do empate.

*Taboada-Riotorto: Cuarta vitoria consecutiva dun Riotorto que entrou da peor maneira ao encontro. No minuto 11 xa perdía por 2-0 ante un Taboada que foi claramente de máis a menos. Os de Suso Orxás fixéronse co mando do encontro ao bordo da media hora e non o soltaron máis. Igualaron antes do descanso e deron un auténtico recital de fútbol na segunda metade. Para rematar goleando a un rival que perdeu a Moski e Migui por lesión. Case nada…

*Monterroso-Burela: As defensas e os porteiros impuxéronse en todo momento no duelo entre aspirantes. Especialmente Tomás, decisivo na segunda metade. O Monterroso creou perigo a balón parado ao igual que Crespo cun balón á madeira. O Burela agardou pola súa oportunidade á contra. Case leva o premio no minuto 93, na súa mellor oportunidade. Empate xusto en Cerdeiriños.

*Pol-Chantada: Un dos partidos máis completos do Pol esta temporada quedou algo empañado pola polémica arbitral. Os de Fernando Corredoira adiantáronse nunha formidable primeira metade. Porén Kadete devolvía a igualada antes do descanso nunha caída dun balón parado. Na reanudación, os locais collían vantaxe de novo dende o punto de penalti. Posteriormente, o Chantada quedou pampo ante a decisión do colexiado de anularlles un gol por suposta falta. Carlitos sentenciou e rubricou o seu doblete.

*Castro-Santaballés: Encontro nivelado e no que o desconto resultou decisivo. Na primeira metade non se rexistrou gol algún no Arturo Pereiro. Quedaron todos para a volta dos vestiarios. O Santaballés adiantouse por dúas veces ante un Castro moi competitivo a pesares das baixas. Chufi igualou cada vez que os chairegos colleron vantaxe. A última delas na prolongación.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.