A Terceira División colle forma

Explicamos a nova Terceira galega

O fútbol galego deu un paso máis cara a nova normalidade, xa que onte tivo lugar a explicación da futura Terceira División, na que teremos representación de tres clubes lucenses: Viveiro CF, Racing Villalbés e CD Lugo «B» (Polvorín), se os enumeramos de norte a sur. Porén, este ano a Terceira será diferente. Hoxe, en Futbolinlugo, contámosvos todas as novidades do sistema de competición da categoría. Ata a Covid-19, estabamos afeitos a tan só un grupo composto por 20 equipos. Nesta 20-21, serán dous sub-grupos de 12 equipos os que compoñan a categoría, atendendo a divisións xeográficas (norte e sur, A Coruña e Lugo por un lado/Pontevedra e Ourense por outro). A primeira fase da competición constará de 22 xornadas (ida e volta nos sub-grupos iniciais) que determinarán cales son os obxectivos polos que pelexará cada clube nas seguintes fases.

Deste xeito, os tres primeiros de cada sub-grupo entrarán nunha liguiña polo ascenso (6 xornadas a dobre volta só contra os rivais do outro sub-grupo) da que sairán dous ascensos directos á nova Segunda División RFEF (cuarta categoría despois da Primeira, Segunda e Primeira RFEF). Do cuarto ao sexto de cada sub-grupo inicial sairán (tamén nunha mini liga de seis xornadas) dúas prazas para a promoción de ascenso (terceira fase) que explicaremos máis abaixo. En ambos casos os conxuntos conservarán os puntos da primeira fase.

O Viveiro sería novo equipo de Terceira

Entre o sétimo ao doceavo clasificado de cada sub-grupo (ambos inclusive) sairán dous grupos máis -de seis equipos cada un- nos que se que pelexará por manter a categoría a dobre volta e enfrontándose tan só aos rivais do outro subgrupo. En cada un destes grupos de 6 descenderán 4 equipos.

Volvendo á promoción de ascenso, os catro últimos do grupo do ascenso e os dous segundos do grupo da promoción pelexarán en eliminatorias a partido único (con prórroga pero sen penaltis) por un posto de ascenso á Segunda RFEF. O seguinte paso a dar, o próximo día 24 de setembro co sorteo do calendario. E por tanto, dos seis derbis provinciais.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.