A Sarriana salva o ‘match-ball’ polo ascenso

Unha remontada ao límite mantén aos de Jaime Paz na pelexa polo ascenso

Non era un día calquera na Ribela. A Sarriana xogaba unha auténtica final polo ascenso e había novo inquilino no banco. Jaime Paz deixou claras as súas intencións dende o inicio pero o encontro púxose revirado ao cuarto de hora. Blanco adiantou ao Boiro nun balón parado. O sorpresivo plan defensivo dos visitantes veuse abaixo ao comezo da reanudación. Penalti por mans e expulsión, co engadido do empate de Gerardo desde os once metros.

A Sarriana mandaba no xogo pero pasada a hora de partido, Keko era expulsado por doble amarela. E Álex Pérez marchaba lesionado. Jaime Paz apostou forte e deixou tres defensas. E meteu a Arón como acompañante de Omar. Os locais chegaron moito e ben. E Luis Díaz fixo o gol da esperanza no minuto 89 para deixar á Sarriana a hora e media dun posible ascenso. Boiro, Sofán e os nosos para unha soa praza.

O que non se xogaba máis que os tres puntos era o Lemos, que sumou unha nova derrota. Os de Edu Rodríguez, que estivo no banco, cederon ante o maior ímpeto do Sofán. Os coruñeses marcaron un gol en cada tempo. Ambos obra de Vázquez.

Por último, o Santaballés despediu a temporada cunha clara derrota no feudo do Victoria. Os branquinegros serán o equipo que xogue a final pola praza da próxima Copa do Rei. O partido resolveuse ao comezo da segunda metade, con dous goles moi seguidos que se engadiron aos dous conqueridos na primeira metade. Dani Moirón pechou a súa etapa no banco chairego a domicilio e da maneira menos desexada, perdendo.

Resultados da xornada:

Lemos-Sofán (0-2).

Sarriana-Boiro (2-1).

Victoria-Santaballés (4-0)

Luca´s Grill
Moreno´s Pizza

Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.