Logo do anuncio de Rafa Casanova como técnico e tras confirmarse a saída de xogadores importantes, o Ribadeo F.C. comeza a reestructurar a plantilla coa chegada de dous xogadores: Mario, un central que chega do Andés, da Preferente Asturiana e Brais, mediocentro que xogou nos xuvenís do C.D. Lugo en División de Honra e rematou a temporada no Foz. Sen saír da Preferente, a S.D. Sarriana fichou a Fernando Currás como preparador de porteiros, que como xa anunciamos seguirá como xefe de prensa da Milagrosa.

Na Primeira Autonómica, Nacho será o adestrador de porteiros do Club Lemos. No Páramo, Bolo e Omar renovan no cadro de Fontal, e a S.D. Monterroso porase a andar de cara a nova temporada o día 30 de xullo, mentras que o filial farao o 6 de agosto. Na base do cadro de Cerdeiriños comezarán a pretemporada os xuvenís o día 13 de agosto, os cadetes o 16 e a escola de fútbol o día 4 de setembro.

Xa na Segunda Automómica, o Corgo pecha as renovacións dos catro capitáns: Debasa, Raúl, Jesús e Chechu, ademáis de Gavino, Borjita, Roche e Saavedra, polo que seguirán una temporada máis una boa parte do plantel, á espera do futuro dos técnicos Guty e Hugo. O Cabreiros acadou a fichaxe de Ayrton, que procede do fútbol sala, concretamente do Esteo, e este ano estará ás ordes de José Manuel.

Na Terceira Autonómica, o Celeiro comezará a pretemporada o día 8 de agosto.