Despois de catro xornadas na Segunda Galicia, dous dos representantes da comarca da Terra Chá dominan no grupo norte co liderato compartido entre o Guitiriz e o Cospeito, mentras que no sur o Chantada B comanda en solitario a clasificación. 

No grupo norte, un gran número de goleadores luciuse nesta xornada, pero tamén destaca a solvencia defensiva do colíder da categoría, o Cospeito que sácalle a máxima rendibilidade aos seus goles grazas a que só leva encaixado un no que vai de competición. A diferenza goleadora é a que fai que o Guitiriz sexa o primeiro clasificado que derrotou a Candelaria por 1-4. Nun dos duelos estrela da xornada, Cabreiros e Pol realizaron un gran encontro de xogo e de goles que se resolveu nos últimos minutos e acabou en empate (4-4). O Burela e o Mondoñedo encadearon a súa segunda vitoria consecutiva ao derrotar a dous dos recén ascendidos, o Matela e o Ourol, respectivamente. O equipo ourolés é o único que non conseguiu puntuar. Tamén destaca a primeira vitoria do Folgueiro que deu a sorpresa e derrotou por 1-3 ao Lourenzá.

No grupo sur, Chantada B e Ourol son os únicos imbatidos, aínda que con dez puntos só queda o filial chantadino ao gañar pola mínima ao Santa Comba (1-0). Mentras tanto, o Oural é terceiro despois de empatar co Sporting Lucense (2-2). O Antas colleitou a súa segunda vitoria consecutiva e xa é segundo. Tamén venceron por segunda vez consecutiva os seus veciños do Monterroso B por 6-2 ante o Portomarín, que xunto co Rubián son os dous conxuntos que aínda non conseguiron gañar neste inicio de campaña, teñen só un punto. Pola súa banda, o Chantada Atlético e o SD Becerreá perderon os seus primeiros encontros neste curso.