Comezamos este Diario con novidades no Racing Vilalbés. O cadro chairego poderá contar con Pablo Rey tamén para o proxecto de Segunda Federación. O xogador de Ferrolterra renova e vivirá a segunda tempada no equipo. O corpo técnico encabezado por Simón Lamas ten a 18 xogadores do primeiro equipo ao seu dispor. O mércores da semana que vén iniciará os adestramentos.
Na Preferente o Ribadeo recorre a veteranía para reforzar a portería. Tres anos despois regresa o gardamallas Hugo López, que afronta unha nova etapa no Pepe Barrera. Ademais o centrocampista ribadense Santi e o dianteiro focego Criss renovan e cumprirán a undécima temporada consecutiva vestindo a elástica celeste.
Na Primeira, o Meira informou da súa primeira fichaxe. Trátase do xoven defensa Mateo Gorgoso. Vén de xogar dúas tempadas no filial do Castro e antes estivo no Páramo. Ademáis farán a pretemporada co primeiro equipo catro futbolistas que remataron a súa etapa xuvenil no club. Son Álvaro Vega, Sergio Otero, Diego Sangiao e Iago López. O Portomarín renova aos pesos pesados Hugo e Javicho, na volta do equipo a Primeira Galicia.
O Chantada Atlético anunciou a Edu Rodríguez como adestrador para a vindeira temporada. O monfortino vén de adestrar na última campaña á Sarriana e ao Barco, este último en Terceira RFEF. Novidades tamén no Pol. Renovan dous xogadores importantes, como Xoel e Gerardo, e chegan ao Municipal outros dous futbolistas de gran nivel. Alvarito, procedente do Lemos e con ampla experiencia tamén na Sarriana ou Residencia, e o xove Hamza, que procede da Sarriana, onde xa disputou minutos de calidade.
O Burela suma a Jesús Pita ao seu corpo técnico. Será o preparador físico dun equipo dirixido novamente por Luchi e que terá a Donato como axudante.
O Sporting Lucense ten novo adestrador. Merino chega á capital desde Santa Comba e tras non frutificar o compromiso cun Castro B que finalmente non sae a competir. Lolo, o ata agora adestrador dos das Gándaras, será o seu segundo
O Pastoricense prepara un novo proxecto logo do seu descenso á Segunda Rexional. Anunciou a incorporación de cinco futbolistas procedente do CD Castro B (que non vai saír en competición). Ficha a Borja Corbelle, Iván Corbelle, Diego López, Iago Fernández e Adrián Fernández .
O Racing Vilalbés B anunciou as renovacións do lateral Felpeto e de Carlos Fole. Ámbolos dous xogadores volveron ao club para axudar nos inicios do filial.
O Brollón segue anunciando xuventude da vila para a próxima temporada. Ficha a un defensa de Fornelas, David Rodríguez que procede do Calasancio logo de ter tamén minutos co Club Lemos
Na Terceira Rexional, o Celta Barreiros segue pescando na canteira da SD Ribadeo para conformar o novo proxecto. Ficha ao central Brais Nonide e o mediocentro/extremo Nico. O gardameta Iago Rivas ‘Pitero‘ non continuará no club. O Celeiro renovou a Abraham, que continua un ano máis en Trasvías.
No Páramo enovan a Antón Domínguez. O dianteiro foi o máximo goleador dun equipo que pelexou polo ascenso de categoría o curso pasado.
 | ResponderReenviar |
