Os luns son días difíciles. Máis aínda se o tempo non acompaña. Por iso, chegamos unha vez máis cargadiños de novidades para facer menos costa arriba o primeiro día da vosa semana. Velaquí unha nova edición do Diario dun Mercado.

Comezamos o repaso pola Terra Chá, de onde se despide Aitor, ata agora extremo do Racing Villalbés. O atacante pon fin á súa segunda etapa no clube logo dunha campaña na que foi de menos a máis e demostrou galones pese á súa xuventude.

A mocidade tamén protagoniza as seguintes novas. Na Preferente Galicia, o dianteiro David Ben continuará no CD Foz logo de chegar ao Martínez Otero desde a SD Burela nesta atípica campaña de pandemia. Pola súa banda, a SDC Residencia perde ao central Gabri, que defenderá as cores do San Lázaro na Primeira Galicia. Tamén chegan ao barrio da Ponte Vity e Vigo, que chega desde o Becerreá.

A Primeira Autonómica protagoniza máis novidades. O CD Castro incorpora a Iván Navia e ao central Juanma, que chega desde o Ribadeo. Ademáis, os das ribeiras do Lea renovan a Brais e a Lois. Máis ao sur, no Sangoñedo, novas tristes: Javi Ramos e Noé colgándoselas as botas este verán e non continuarán na SD Chantada.

Por último, temos que falar dun futbolista que emigra. O central monfortino Iago López xogará no CD Barco na 21/22.