A semana vén con nomes propios. Un deles, o de Pablo Vivero, o anuncio da súa retirada despois da nova adiantada por El Progreso convertiu as redes sociais nunha das vías de comunicación para que a xente do fútbol lucense lle dedicase o seu recoñecemento. Ademais esta fin de semana, Michi Leal reencontrouse co seu pasado e Xaime estivo a piques de celebrar por todo o alto o seu cumpreanos.
Camiño da súa vixésima terceira temporada no mesmo club, Pablo Vivero retírase do fútbol por incompatibilidade co seu traballo. A lealdade ás cores do Racing Vilalbés convirten ao futbolista nado en Gontán (Abadín) nun referente a nivel provincial e tamén a nivel nacional. Compañeiros de equipo actuais, do pasado, rivais,…foron moitos os que nestes días tiveron palabras para Pablo. Unha desas dedicatorias especiais foi a de Roberto Trashorras co que coincidiu nos cadetes do Vilalbés e que empregou unha foto con Pablo feita por Futbolinlugo:
Mi más sincera enhorabuena @pablomsvivero por todo lo q has hecho por el fútbol y en especial por el @racingvillalbes !!
Gente como tú hace más grande este deporte!! pic.twitter.com/EbVsD2RfPe— Roberto Trashorras (@Trashorras10) October 12, 2018
Outros dos xogadores que tivo palabras para Vivero foi Michi Leal. Non obstante, o mediocentro vilalbés tamén foi protagonista nas redes esta fin de semana xa que volveu 17 anos despois ao campo no que se estreou co Racing Vilalbés; ao Lourambal onde xoga o Porriño. Desta volta fíxoo co Silva do que é capitán, marcou un gol e o cadro coruñés sacou un punto fóra da casa.
Fai 17 anos debutaba en Terceira División no Lourambal co Racing Vilalbés, era todo un pipiolo cheo de ilusión. Hoxe tocou volver co @clubsilvasd e a pesar de non poder conseguir os tres puntos, si que se me viñeron moitos bonitos recordos á cabeza #xachoveu pic.twitter.com/pdkZpVft7s
— Michi Leal (@michilealeimil) October 14, 2018
A cousa vai de mediocentros e na xornada tamén foi protagonista Xaime. O centrocampista de Outeiro cumpriu anos e a piques estivo de celebralos do mellor xeito posible, marcando gol. O pau evitouno, aínda que a clase no lanzamento de falta é imperdible. O Viveiro empatou ante o Atlético Montañeros e continúa na boa liña das últimas semanas. Aproveitamos tamén para felicitar a un dos grandes do noso fútbol dende o equipo de Futbolinlugo.
E rematamos con cánticos que son uns dos aspectos lúdicos do fútbol, sempre que sexan positivos evidentemente. E máis aínda, cando veñen dende as propias protagonistas. O Burela xogou o seu primeiro partido da competición de fútbol – 8 na casa e resolveuno cunha clara vitoria ante o Olímpico. No vestiario as xogadoras expresaban do seguinte xeito a súa ledicia:
