2017/2018, a temporada do fútbol base lucense

Este non é un artigo convencional, é un artigo de noraboa. Noraboa dirixida a todas as persoas que integran o fútbol base lucense, e que conseguiron facer histórico este ano, por medio do traballo e do esforzo pero, sobre todo, do amor ao fútbol. Así, Futbolinlugo fai hoxe un pequeno balance do que foi a temporada para os nosos rapaces e rapazas!

Comezando polos máis pequenos, aqueles que aínda xogan a Fútbol-8 nun campo reducido, os prebenxamíns, benxamíns e alevíns. Como sempre dicimos, os resultados nestas categorías son o de menos, así que o que destacamos é a aprendizaxe dos nenos e nenas, tanto a nivel futbolístico como persoal, os amigos que os cativos van facendo, e a deportividade que reina nos campos todos os fines de semana.

Cómpre destacar, porén, a participación de distintos equipos no Campionato Galego, experiencias que quedan por sempre grabadas na mente dos pequenos. Noraboa, por tanto, a CD Lugo, SDC Residencia e AFD Porto Burela.

En infantís, o maior éxito ata o momento foi o ascenso da SDC Residencia á Liga Galega. Asemade, a SCD Milagrosa estáse a xogar o ascenso nunha eliminatoria a dobre partido ante o Lalín. Na Liga Galega, precisamente, foi onde competiron EF Polvorín, facendo así historia en Montirón, e CD Lugo, realizando unha gran campaña. O CP Calasancio deixou alto o nome da provincia no Grupo Sur.

Agardamos que a Milagrosa acade o ansiado salto de categoría e, por último, aínda estáse a disputar un último título, a copa. Sorte a todos!

Xa en cadetes, o CD Lugo contou cunha gran representación na División de Honra e na Liga Galega, onde tiveron lugar os derbis provinciais ante Viveiro e Racing Villalbés. O ano que ven, serán un mínimo de catro os equipos lucenses en Liga Galega, ao ascender a SCD Milagrosa, pero poden chegar a ser cinco se a SDC Residencia supera a súa última eliminatoria ante o San Tirso «B». Hai igualmente representación lucense no Grupo Sur co CP Calasancio. Tamén se está a disputar a copa en idade cadete.

Por último, en xuvenís, a SDC Residencia volveu ao seu lugar, a Liga Galega, tras unha impecable temporada, e o Porto Burela pode conseguir o mesmo se supera ao As Pontes. En Liga Galega, o Viveiro realizou unha dignísima campaña, ao igual que o CD Lugo «B» na Liga Nacional.

Na División de Honra, tivo lugar o histórico derbi entre CD Lugo e Racing Villalbés. Este último tamén contou con representación na Liga Galega, de onde por desgracia o equipo descendeu, aínda que facendo unha gran competición. O CP Calasancio salvou a categoría no Grupo Sur.

Sen dúbida, o 2017/2018 foi un ano histórico para o fútbol lucense, especialmente para a base. Será difícil superar unha campaña tan magnífica, pero agardamos poder tragarnos estas palabras pronto. Gracias a xogadores, corpos técnicos, directivas e familiares por axudar na consecución de tantos éxitos!

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.