portada maxicos

Máxicos Primeira. Xornada 3

Os máxicos da Primeira están a dar moitas alegrías aos seus equipos. Estes son os destacados da terceira xornada.

Nunha intensa terceira xornada, os máxicos de cada equipo están a definir paseniño os obxectivos dos seus clubes.

Luca´s Grill
Moreno´s Pizza

Castro 1-0 Lourenzá: o Lourenzá visitaba a un Castro que precisaba a victoria. O Arturo Pereiro foi testemuña dun choque moi intenso, onde os locais estiveron mellor na primeira metade, pero na segunda se igualaron as forzas grazas a intensidade dos mariñáns Pichi e Iago. Nos últimos intres, o Castro conseguiu o gol da victoria grazas á calidade de Marco.

Portomarín 3-0 Guntín: o Guntín saiu cunha dolorosa derrota do Chao da Poza. O Portomarín, intratable neste comezo de liga, adaptouse mellor ao estado do campo e conseguiu dominar todos os aspectos do xogo. Ao filo do descanso, un erro defensivo do Guntín traduciuse nun penalti e no 1-0. Na segunda metade, o Portomarín seguiu a dominar e sentenciou con dous tantos máis.

Deportes Élide

Burela 1-2 Sporting Pontenova: gran partido o que se viviu na Marosa na tarde do domingo. Os primeiros minutos foron do Burela, que estrelou un balón ao pau. A partires de aí, o Sporting foi medrando e conseguiu adiantarse. Tras o descanso, un penalti a prol dos locais converteuse no 1-1, pero o Sporting respondeu e volveu a poñerse por diante. Nos últimos intres, os verdes apretaron, pero non foron quen de transformar o empuxe nun gol.

Chantada Atlético 2-1 Outeiro de Rei: o Atlético superou na casa ao Outeiro de Rei. Dous goles na primeira parte serviron aos do Sangoñedo para chegar cunha boa renta ao descanso. Pouco despois da reanudación, o Outeiro recurtou diferenzas por medio de Pereira, pero finalmente os locais resisitiron o asedio visitante e os tres puntos quedaron na casa.

Pastoricense 2-1 Xove Lago: dous madrugadores tantos de Dani García en xogadas de balón parado decantaron o choque a prol dos do Acebreiro. O Xove, porén, non lle perdeu a cara ao partido e conseguiu achegarse despois do descanso. Tras o 2-1, os mariñáns apretaron máis, pero o Pastoricense defendeuse ás mil marabillas e non concedeu grandes ocasións para lograr así tres puntos de ouro.

San Lázaro 2-0 San Roque: tras un partido moi igualado e sen apenas ocasións, o San Lázaro conseguiu vencer grazas a un gran gol de Santi Marín no 80′. O San Roque volcouse entón para conseguir o empate e, practicamente no desconto, Julio sentenciou a prol dos locais para darlles aos celestes os primeiros tres puntos da temporada.

Pol 1-1 Riotorto: o Pol propuxo máis con balón no primeiro tempo, pero o Riotorto daba sensación de perigo cada vez que se achegaba á porta defendida por Javi Pita e chegaron a golpear co balón nos paus ata en catro ocasións. Aínda así, o Pol tamén generaba moito perigo e Herrero conseguiu o 1-0 no minuto 60′. Os visitantes souberon reaccionar e conseguiron a igualada nun córner que rematou á perfección Pablo Vivero. Finalmente, empate nun partido moi vistoso para o espectador.

Monterroso 1-1 Chantada: partido moi divertido o que se viviu nos Chacotes entre Monterroso e Chantada. A primeira parte foi para os locais, que tiveron varias ocasións para adiantarse, pero pecaron da falta de puntería que os está a caracterizar nestas primeiras xornadas. No segundo tempo, o Chantada lograba adiantarse logo dunha gran bogada combinativa. O Monterroso non baixou os brazos e conseguiu o empate no minuto 75′. Tras a igualada, ambos conxuntos puideron levarse o partido, pero finalmente houbo reparto de puntos.

Folgueiro 1-2 Alfoz: o Folgueiro estreou o casilleiro de victorias ante un Folgueiro que xenerou moito pero non foi quen de superar aos seus rivais. Todos os goles chegaron na segunda metade; o 1-0 e o 1-1 serían de penalti, e finalmente Manolito decantaría o choque cun auténtico golazo de volea co partido a piques de rematar.

Taboada 3-0 Friol: o partido decidiuse nos primeiros vinte minutos, nos que o Taboada anotou dous goles e o Friol sufriu a expulsión do seu central Burgo. O Taboada xogou moi cómodo o resto do partido e conseguiu ampliar a súa renda por medio de Gabri.

Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 535

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.