Comeza setembro e a nosa nova programación. Tódolos venres trarémosvos unha proposta futbolística para a fin de semana. Non quere dicir que sexa a mellor, posto que cada un ten os seus gustos, porén sempre será a máis interesante posible para nós. Sen máis dilación, estos son os sobranceiros da xornada para este humilde equipo de traballo!
Abrimos a xornada da Preferente no Arturo Pereiro, onde o novo Castro se estrea ante a súa afección co Arzúa. Será a antesala do gran plato do fin de semana. O derbi capitalino do Ceao, que se disputará o domingo. Residencia e Polvorín chegan tras gañar na primeira cita do ano. Pola tarde, nese mesmo Día do Señor, a Primeira Galicia terá o seu pistoletazo de saída. Dous partidazos para comezar: Monterroso A-Lemos e o derbi mariñán entre Xove Lago e Valadouro.
Tamén o fútbol base é protagonista esta semana, xa que comeza a División de Honra Xuvenil, con sendos duelos na casa do CD Lugo e do Racing Villalbés, ante Areosa e Valmiñor, respectivamente. Os albivermellos tratarán de comezar ben unha temporada na busca dos primeiros postos da clasificación, mentres que os chairegos buscarán disfrutar da experiencia de disputar un partido histórico para a vila, o primeiro desta categoría que se verá no Estadio Roca.
SÁBADO
12.00 horas. CD Lugo-Areosa. A Reigosa. División de Honra Xuvenil.
18.00 horas. Castro-Arzúa. Arturo Pereiro. Preferente Norte
18.30 horas. Racing Villalbés-Valmiñor. Estadio Roca. División de Honra Xuvenil.
DOMINGO
12.00 horas. Polvorín-Residencia. O Ceao. Preferente Norte
18.00 horas. Monterroso A-Lemos. Cerdeiriños. Primeira Galicia
18.00 horas. Xove Lago-Valadouro. Municipal de Xove. Primeira Galicia
