Valigol: «Paseino moi mal, agora son feliz no Relámpago»

Valigol aclara nesta entrevista todas as claves da súa fichaxe por un equipo rival

Cada mes de agosto repítese a mesma historia. Aparece a canción do verán. E a fichaxe do verán. Nesta última categoría, o noso protagonista fixo tódolos méritos posibles para merecer semellante título honorífico. Víctor Valiño López ‘Valigol’ (Arada, 07/03/1999) deixou o seu Monterroso natal, despois de toda unha vida de vermello, para irse á vila veciña; ao pobo rival por excelencia: Taboada.

Luca´s Grill
Moreno´s Pizza

FUTBOLINLUGO: Boas Valigol. Eres consciente da dimensión da túa fichaxe polo Relámpago?

Valigol: Si, moito. A bomba surxiu despois de todo o que sufrín a temporada pasada. Un día recibín a chamada do míster do Relámpago Taboada. Por moito que algunha xente pense que naide me ía chamar. Iso si, eu esperei ata o final para ver quen adestraba en Monterroso e apurar esa opción ata o último momento. O técnico gustábame pero había moita xente. Agora estou feliz no Relámpago, moito mellor a nivel físico, técnico e mental.

Deportes Élide

FIL: Pero que pasou entón en Monterroso o curso pasado?

V. V: Nin sequera nos amigables chegaba a xogar media hora. Sentía que non xogaba un só minuto. Paseino moi moi mal. Eu vexo a Terceira Rexional como algo para desfrutar. Eu entrenaba todos os días e ben e non tiña o premio a fin de semana.

«Estou moito mellor a nivel físico, técnico e mental»

FIL: E como sentou a túa marcha en Monterroso?

V. V: A nivel personal todo sigue coma sempre. Síntome querido polo pobo. Chamáronme moitos xogadores, varios dos que considero os mellores do equipo. Iso para min foi o mellor. Sentinme valorado. Chamoume Lorenzo, capitán do A. E cando me fun, algún xogador do Monterroso B quedou case chorando. Xa que se lle ía facer raro non volver xogar ao meu lado. Espero que isto sexa un ata pronto, iso si. Ogallá pase o feito de que volva a casa nuns anos e senón hai miles de equipos pola provincia.

«Espero que este adeus sexa un ata pronto e voltar á casa nuns anos»

FIL: Agora, o dilema é: Valigol apoiando nas bancadas da Medela ou en Cerdeiriños?

V. V: Eu son siareiro do Monterroso e seguireino sendo sempre. Estarei sempre en Cerdeiriños, sempre e cando non me coincida co partido do Relámpago.

FIL: Valigol foi un ídolo de masas durante a pandemia. O teu Instagram chegou a xuntar 1.000 persoas nun directo… Comprométeste a aclarar nel todo o que a xente pida despois desta entrevista?

V. V: Por suposto, cando teña algo de tempo comprométome a facelo. Gustaríame que a última pregunta me permitise darlle as grazas a moitos adestradores que tiven como José Ángel, Omar ou Chanclas. Outros só valoraban a miña presenza nos adestramentos para ter un xogador máis no campo.

«Eu son siareiro do Monterroso e seguireino sendo sempre»

EN CURTO

Un campo: A Medela.

Un compañeiro: Balbino, sempre me apoiou no bo e no malo.

Un gol: Quédome co que marquei no Corgo en xuvenís, un penalti que petou na escadra e entrou.

Lorenzo ou Óscar Méndez? O vello, aínda que Lorenzo é o mellor xogador da provincia actualmente.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 873

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.