Futbolinlugo estrea o décimo capítulo de Sesión Plenario. A eliminatoria número dez cruzou a dúas persoas moi ligadas ao fútbol da provincia. Por unha parte, xogou Andrés Rodríguez, adestrador da Comercial e seleccionador lucense sub-11. Do outro lado estivo Kevin Varela, natural de Agolada, e con pasado no fútbol da nosa provincia. Un gran seguidor do balompé lucense. A eliminatoria foi a cara de can e decidiuse nun pequeno detalle.
As inscricións en Sesión Plenario aínda están abertas, aínda que as prazas dispoñibles son escasas. Quen estea interesado debe mandar un correo a futbolinlugo@gmail.com co asunto SESIÓN PLENARIO. En total serán 28 concursantes nesta primeira temporada.
Por Sesión Plenario pasaron xa xogadores, integrantes de corpo técnico, directivos e afeccionados. Polo momento xa hai dez clasificados para a seguinte rolda do espazo que entretén e difunde o fútbol da provincia. A Mariña é polo momento a zona xeográfica que máis participantes ten nos oitavos de final.
O dianteiro Kiños do Folgueiro, o delegado Manu e a afeccionada Noelia do Burela, o atacante Antón Teijeira do Iberia e o dianteiro do Xove Lago Diego Chao son catro dos que xa accederon de rolda. Isaac Rouco e Tucho representan á Terra Chá.
Pola súa banda, David Rodríguez e o Chapu deixan quedar ben a Portomarín. Ademais de representar por todo o alto ao mundo da arbitraxe e das directivas, respectivamente.
Concursantes na repesca (xogaranse dúas prazas para os oitavos de final):
1. Lourido, xogador do Meira
2. Víctor Valiño, futbolista do Relámpago Taboada
3. Sotogol, xogador do Celta Barreiros
4. Samu López, futbolista do Racing Villalbés B
Esta sección conta co apoio imprescindible de Plenario Veiga. O xerente de Discoteca Hermo e Bar Tibor (patrocionadores principais deste espazo) tamén colabora no concurso para avaliar as respostas dos participantes.
O redactor Diego Díaz foi o encargado de presentar esta novena Sesión Plenario que contou tamén coa presenza do propio Plenario Veiga.
