Os goles da Primeira Autonómica levan acento mariñán

Sete dos oito máximos artilleiros da Primeira Autonómica pertencen a equipos da Mariña de Lugo. Soamente Diego Arias, xogador do Lemos, é quen de asomala cabeza nos primeiros postos con dez dianas.

O pichichi é Juanjo Coello con trece goles. O dianteiro do Xove Lago, formado nas categorías inferiores do Lugo e do Viveiro xa ven amosando a súa capacidade goleadora nas últimas temporadas, incluso sendo xuvenil, xa foi quen de marcar unha cifra considerable de goles en Preferente co equipo do Landro.  Tal e como nos di «estou moi contento porque os goles axudan ao equipo a conseguir puntos e iso é o máis importante. Ogallá cheguen máis pra poder loitar polos primeiros postos da clasificación«. Pero o potencial ofensivo dos xovenses non remata ahí. Diego Chao xa leva nove goles, e é outra das claves da gran temporada dos homes de Miguel Sancosmed. «Diego e eu entendémonos e complementámonos moi ben no campo, beneficiámonos mutuamente á hora de conseguir goles para o equipo» comenta Coello.

Juanjo Coello, en labores de presión, ante Lucho do Monterroso

Unha das grandes sorpresas da temporada en Primeira Autonómica é a irrupción goleadora de Asier. O xogador do C.D. Foz xoga no medio do campo e xa foi quen de marcar doce goles, dous desde o punto de penalti. Para él «é unha sorpresa, xa que nunca fun goleador, pero ogallá siga a racha porque é bo pra min e o equipo«. O tridente ofensivo dos focenses complétase con Manolo, fichaxe estrela chegado do Valadouro, e que xa fixo oito dianas, e con Ibán Gayol con seis. Según Asier «non só somos os tres, temos un gran equipo co que podemos optar ao ascenso«.

Asier, nun encontro ante o Sporting Pontenova

Malia que non comezou moi acertado, Borja Mella xa ocupa o cuarto posto no ranking de goleadores con nove tantos. Pichichi da categoría a pasada temporada, o xogador do C.D. San Ciprián é un killer a ter moi en conta, e será fundamental para a ansiada salvación do seu equipo.

Borja Mella, do C.D. San Ciprián

Tamén con nove goles figura un debutante na categoría: Adrián Pasarín. O dianteiro do Sporting Pontenova contribuiu cun doblete ao triunfo do seu equipo na Mina ante o Ferreira, nun encontro clave pra escapar dos postos de perigo. Non debemos esquecernos da dupla atacante do Valadouro, malia que polo momento non teñen grandes cifras o máis lóxico é que rematen cunha boa cifra de goles. Carlos Cora e Felipe Varela teñen nivel pra logralo.

Con sete goles aparece un defensa!! Dani, do C.D. San Ciprián. Cal é a clave da capacidade goleadora dos xogadores mariñáns? Para Juanjo Coello «non é unha sorpresa, todo o mundo coñece o potencial de grandes xogadores e equipos que hai nesta zona e penso que se está a demostrar«.  O focense Asier indica que «é sinónimo de que se están a facer as cousas ben» e tamén incide na importancia do número de equipos mariñans que hai na categoría, «os derbis entre nós sempre aumentan o nivel e a motivación«.

 

Luca´s Grill
Moreno´s Pizza
Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 500

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.