O rexurdimento da Pinguela

O ascenso e o futuro do Lemos, en boca dos principais protagonistas

O Lemos está de volta. Monforte regresa ao panorama da Preferente e faino pola porta grande. Cun equipo á alza, con identidade propia e que devolveu a ilusión a un pobo necesitado dela. Ese é o ‘Lemos de Edu’. Un conxunto que mandou na Primeira Galicia con man de ferro. E ao que unha quenda de penaltis lle privou de conseguir o doblete coa Copa.

Porque este Lemos leva sinatura de autor. Un Edu que impuxo un estilo, «unha forma de traballar que se asentou no pasado ano en tódolos aspectos». E que derivou nun ascenso a Preferente no segundo curso do proxecto, «cun equipo máis competitivo con bos xogadores e con continuidade». Así o ve o xoven técnico que valora «de maneira positiva firmar o ascenso a falla de tantas xornadas» para a concusión. Pero, por enriba de todo, «a maneira de conseguilo».

Algo máis crítico, móstrase o presidente Óscar López. O mandatario pensa que «se cumpliron os obxectivos do primeiro equipo nunha temporada moi boa. As claves foron o compromiso e a unión». No entanto, «fallamos algo no filial», espeta.

O capitán Gonzalo Torres profundiza nas razóns deste éxito. Pensa que «manter o bloque» e fichar a xente «coma Dafo, Ivo ou Castro» deulle «un salto a esta gran familia». Ademais, a primeira volta resultou fundamental. «Pechabamos os partidos na primeira parte na casa. Despois os equipos xa viñan a replegarse. Aínda asi, foi unha temporada bastante cómoda», indica.

Unha campaña cun pequenísimo lunar. O da quenda de penaltis na Medela. Na que o Ribadeo se levou a Copa. «Vímonos superiores dentro do campo e fallamos varias ocasións nunha primeira metade moi boa. Foi unha mágoa pero quedamos contentos no fondo. Cumplimos contra un equipo de superior categoría». Así o vislumbra Gonzalo.

Toca cambiar xa o chip. Olvidarse dese equipo referente, dominador. Pensar nun proxecto que só pase pola permanencia na Preferente. As bases non pintan mal, xa que como di o adestrador Edu Rodríguez: «renovamos a todos os que queríamos renovar, a falla dun ou dous». «E fichamos a cinco ou seis xogadores de nivel, temos unha facilidade para incorporar que antes non tiñamos». «Pasamos de que os xogadores optasen a outros clubs, con menos historia quizais. Agora non teñen dúbidas de xogar no Lemos». Sen dúbida, ese é un gran triunfo.

Da gusto ver que a coherencia volver primar nun terreo abonado as quimeras máis esperpénticas. O Lemos quere seguir na Preferente por moitos anos, pero sen perder a cabeza. Así de contundente o explica o presidente Óscar López. «Hai que ter sentido e non volverse tolos por estar en Preferente. Seguir como ata agora. Se se pode manter ben e senón mala sorte. Non se pode ir a por un equipo moi bo e logo deber cartos a todo o mundo. Son erros que non se poden volver cometer».

Dende dentro do vestiario, onde se cociñan os obxectivos, compártese esta visión. A «dun proxecto sólido que pasa por manter a categoría», indica Gonzalo Torres. Que engade: «Vemos moito optimismo no ambiente pero a Preferente é máis complicada. Hai que adaptarse, competir e non pasar apuros». Aviso a navegantes… Iso sí, o barco do Lemos avanza ‘vento en popa e a toda vela’. Que así sexa!

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 858

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.