O PM Friol golea ao líder e o Chantada leva o derbi

O PM Friol segue de doce nunha xornada na que os derbis quedaron na casa

O PM Friol deu un golpe sobre a mesa nun dos partidos máis completos da temporada. As rapazas de Covi dominaron ao líder da categoría a base de xogo e ocasións, cunha superioridade clara nas transicións ofensivas. Blanca Cros aportou un dobrete para un PM Friol que aínda puido conquerir máis goles. Ademais, as luguesas contiveron á perfección un dos enormes perigos do Viaxes Interrías: o balón parado.

Luca´s Grill
Moreno´s Pizza

Na Primeira Galicia, o seu filial sobrepúxose ao 2-0 en contra que tiña aos dez minutos de partido. O cadro de Diego Vivero foi crecendo co encontro e asumiu riscos na segunda metade. Logrando así sumar un valioso e traballado punto con dous tantos case consecutivos pasados os oitenta minutos de xogo.

Tania Gómez decidiu o derbi do Sangoñedo
Deportes Élide

No entanto, o empate do Lugo no campo do Orzán foi sen goles. Un choque de estilos en toda regra. O conxunto de Joaquín xerou menos ocasións das que acostuma a pesares da súa boa saída de balón. E cedeu dous puntos ante un Orzán que variou o seu plan habitual. As locais apostaron pola solidez e a limitación dos riscos. Por outra banda, o Antas descansou nesta xornada.

RESULTADOS DA XORNADA

PM Friol 3-0 Viaxes Interrías

Tordoia 3-3 PM Friol B

Orzán 0-0 CD Lugo

Chantada 1-0 Carballedo

Monte Forte 8-1 San Roque

Comercial 0-3 Santiso

Os Dous Derbis Da Segunda Quedaron Na Casa

Mougán, bigoleadora para o Monte Forte

O derbi do Sangoñedo non defraudou. O Chantada fixo bo o tempraneiro gol de Tania Gómez, nun partido no que tivo o control. Iso si, gran parte das mellores ocasións foron do Carballedo. Especialmente, nos últimos minutos. Cun gol anulado e un balón ao pau. A peor noticia chegou en forma de lesión. Vero rompeu o peroné durante o encontro. Agardamos que a recuperación sexa o máis rápida e mellor posible.

No outro duelo de rivalidade, non houbo tanta igualdade. O Monte Forte cumpriu os pronósticos e goleou ao San Roque con sendos dobletes de Cheni, Moji e Sara Mougán. Por último, o líder non deu opción nas Gándaras. O Santiso aproveitouse dunha Comercial mermada e na que destacaron varias das máis novas: Luanda, Mireia e Nati. O encontro da Milagrosa ante o Touro foi adiado.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.