O partido Fisioterapia Ronda . . . Ribadeo – Sarriana: a melloría dos mariñáns a proba diante do líder

O fútbol provincial recupera paso a paso a normalidade. Despois do gran número de encontros suspendidos a pasada xornada por mor dos numerosos positivos en Covid 19, neste fin de semana tódolos equipos lucenses da Preferente, agás o Escairón, poderán disputar os seus partidos.

Luca´s Grill
Moreno´s Pizza

Un dos máis salientables é o derbi provincial que disputan o domingo ás 16:15 horas no Pepe Barrera o Ribadeo e a Sarriana, coa arbitraxe do colexiado lucense Fernández Teijido.

O Ribadeo é sétimo na clasificación con 19 puntos. En zona de promoción de permanencia, o cadro mariñán márcase o obxectivo de abandoala nesta segunda volta. O certo é que as sensacións indican que é un obxectivo ao alcance da man para o cadro adestrado por Dani Moirón, que amosou unha boa imaxe nos últimos encontros disputados. Ademáis, conta cos reforzos de Dapo, que afrontará a súa segunda etapa no clube, e Andrés Díaz, ribadense con pasado recente no fútbol compostelán, que axudarán a paliar a importante vaga de lesións do cadro ribadense.

Deportes Élide

Enfronte estará o líder. A Sarriana cumpre sen escaparse do guión o que se presumía antes de comezar a temporada: ser o gran favorito ao ascenso. O camiño será longo e complexo, pero sobrepasado o ecuador do campionato os de Edu Rodríguez camiñan con paso firme. É certo que lonxe da Ribela non son o equipo dominador que son no seu feudo, de onde non deixaron escapar un só punto. A domicilio, os sarriaos caeron derrotados en tres ocasións (Montañeros, As Pontes e Mugardos). A saída de Mitogo no mercado invernal foi compensada coa chegada do monfortino Adri Díaz, cedido polo CD Barco.

O último enfrontamento entre Sarriana e Ribadeo no Pepe Barrera tivo lugar o 1 de abril de 2021 e rematou con empate a un tanto. Gerardo adiantou aos visitantes e Lucky igualou o encontros no tramo final.

Que opinan os protagonistas?

JACOB (RIBADEO FC)

  • Boas sensacións. «Sen dúbida estamos no mellor momento da temporada. Recuperamos xogadores e, a pesar das baixas importantes que aínda temos, os adestramentos teñen outro ritmo e outro nivel que os de comezos de liga. Creo que podiamos levar máis puntos que os que indica a clasificación, pero teño a sensación que se seguimos nesta dinámica imos perder moi poucos de aquí a final de temporada».
  • A Sarriana. «Teñen moi bos xogadores e a presión de gañar sempre, pero si somos o equipo que estamos a ser o encontro será igualado. Creo que os prantexamentos van marcar un pouco o que vai ser o partido, que o imaxino aberto e disputado ata o final».
  • A inquietude coa Covid-19. «É unha situación estrana. Confiamos en que este encontro se vai xogar, pero si preparas a semana sin saber ao cento por cento si o partido se poderá disputar non é o ideal. Creo que se debería facer algún tipo de protocolo ante certas situacións. O primeiro é a saúde nosa e dos nosos, pero deberíase atopar un termo medio, algo razoable en canto á situación na que estamos e tendo en conta que temos que mirar cara adiante».

BRAIS (SD SARRIANA)

  • O retorno. «A verdad é que é un partido especial para min. O Ribadeo é un club donde pasei bos momentos e do que gardo grandes recordos. Ademáis conservo varios amigos da miña época alí e teño ganas de velos. Ademáis é a primeira vez que vou xogar ao campo novo en partido oficial, e quero levar os tres puntos para Sarria.
  • O Ribadeo. «Coñezo a case tódolos xogadores e sei que son un equipo que nunca che pon as cousas fáciles e si están ben é complexo gañarlles. Agardo un equipo forte e perigoso á contra e balón parado. Logo depende do que propoña o equipo en ataque».
  • Adaptación á Sarriana. «Estou moi contento porque desde a última temporada no Ribadeo non tiña a continuidade que estou comezando a ter aquí. Cando non xogas nun tempo aprecias esa confianza que depositan en ti e quero devolvela en forma de bo xogo. Ao comezo costoume adaptarme ao estilo de xogo porque nunca xogara dunha forma tan combinativa, o que conleva unha maior concentración, pero pouco a pouco voume adaptando».

a axenda

PREFERENTE

  • Santaballés – As Pontes (Domingo ás 16:15 horas na Liga): encontro de proximidade no que os chairegos teñen ocasión de achegarse ao seu rival se conseguen os tres puntos. Os de Rafa Casanova chegan logo de golear ao Escairón a pasada xornada).
  • Residencia – Lemos (Domingo ás 17:30 horas na Cheda): os de Dani Galán buscarán a ansiada vitoria para comezar a mirar cara arriba diante dun conxunto monfortino acomodado na zona alta da clasificación.

PRIMEIRA AUTONÓMICA

  • Taboada – Portomarín (Domingo ás 16 horas na Medela): o cadro local buscará tres puntos que os volvan a enganchar coa zona alta da táboa. Enfronte estará o líder, que baixa enteiros lonxe do seu feudo.
  • Burela – Lourenzá (Domingo ás 16 horas na Marosa): os dous equipos atópanse empatados a puntos. O que resulte vitorioso estará máis preto da zona de permanencia.

SEGUNDA AUTONÓMICA

  • Iberia – Cabreiros (Domingo ás 16:15 horas nas Valgas): o conxunto de San Miguel, logo do seu triunfo da pasada xornada é segundo na táboa. Un triunfo achegaríao ao seu rival desta xornada, líder sólido do subgrupo.
  • Muimenta – Fonsagrada (Domingo ás 16 horas no Pichón): terceiro contra cuarto. Tres puntos vitais para achegarse ao intratable Meira e, sobre todo, para escapar da zona de perigo.
  • Paradela – Páramo (Domingo ás 16 horas no Gandarón): o conxunto local defende a segunda praza diante dun rival que só conta con dous puntos menos. O que logre os tres puntos achegarase ao Becerreá, que descansa nesta xornada.

TERCEIRA AUTONÓMICA

  • Comercial – Cazás (Domingo ás 18 horas no Rodríguez Lago 1): tan só dous puntos de diferencia na clasificación entre o conxunto local, segundo, e os chairegos, quintos, que non é quen de vencer lonxe do seu campo no que vai de temporada.

PRIMEIRA GALEGA FEMININA

  • CD Lugo – O Val (Domingo ás 19:30 horas na Cheda): as lucenses, segundas na clasificación poden achegarse ao liderato se acadan os tres puntos diante do pechacancelas.

Foto de portada: María del Mar Sabín.

Imagen por defecto
Marcos Fernández

Apaixoado do fútbol, en especial do modesto, que aínda mantén os verdadeiros valores do deporte

Artículos: 512

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.