O partido da xornada… Lemos-Ribadeo: Dous clásicos na procura da Copa

Dous amigos, Antas e Fernando, no cara a cara final pola Copa

Agora si. Este domingo rematará a temporada 2018/2019. E farao coa final da Copa Deputación para equipos de Preferente e Primeira Autonómica. Será o domingo ás 18 horas na Medela (Taboada) e disputarana dous clásicos do noso fútbol: Lemos e Ribadeo.

Rafa Casanova, o home máis mediático desta Copa

O Lemos xa acadou o seu obxectivo primordial nesta temporada: o retorno a Preferente. E logrouno ao «estilo Edu». O míster do conxunto monfortino reuniu unha plantilla de moita calidade, maioritariamente da comarca monfortina. Ademais, cun fútbol combinativo e vistoso. Logo da gran temporada, o cadro lemista non afrouxou na Copa. «Sería o colofón perfecto a esta gran temporada. Ademáis, sen renunciar nunca ao noso estilo», apunta Adrián Antas, centrocampista do Lemos.

Diante do Ribadeo «debemos ter coidado co balón parado, é un dos seus principais perigos, xunto cos xogadores de ataque, que teñen moita calidade», asegura Adrián Antas, que considera que «a final será moi igualada e decantarase a favor de quen teña máis acertado nas áreas».

Pola súa banda o Ribadeo buscará a segunda Copa Deputación da súa historia logo da mediática semifinal ante o Friol, con Rafa Casanova, adestrador do cadro mariñán, enrolado no conxunto que tamén preside. Ademais foi quen de marcarlle a un Ribadeo que gañou na quenda de penaltis.

Para o polifacético Fernando «a Copa chega nun momento en que xa apetece desconectar, pero co paso das eliminatorias o interese e a motivación aumentan, polo que intentaremos redondear esta gran temporada, na que nos sobrepuxemosa tódalas adversidades». O xogador monterrosino amosa un gran respeto polo Lemos «son un bo equipo. Coñezo ben ao seu míster e plantexan un fútbol de toque, diferente ao noso. Será un encontro igualado. Pra min é especial enfrontarme a un bo amigo como Adrián Antas, que tantas veces me cubriu as espaldas no Monterroso. Agardo que sexa unha festa nun campo espectacular como é a Medela».

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.