Fagín, especialista no balón parado para manter líder ao Lemos B

O xogador monfortino anotou un dobrete no empate dos seus ante o Monterroso B

Foto de portada: Mariluz Fagín

Luca´s Grill
Moreno´s Pizza

A pelexa por ascender á Segunda Rexional vai estar moi viva ata o final. Os poucos partidos da 2ª fase e as escasas diferenzas entre os equipos fan que a igualdade sexa a dominante. Castro B, Comercial, Lemos B e Carballedo ocupan prazas de ascenso. Só cun punto de marxe sobre seus inmediatos perseguidores e duelos directos pendentes. A situación contámola no #TresEnRaia.

No grupo C1 da zona norte, o Castro B continúa ocupando a praza de ascenso. Venceu no sempre complicado campo do Catro Ventos ao Cazás. O gol que marcou ao pouco do inicio, serviulle para ir xa case todo o tempo por diante. Conta cun punto de marxe sobre o seu gran rival, o Rioaveso Machinango.

Deportes Élide

Precisamente o Rioaveso conseguiu un importante triunfo para seguir na pelexa. Gañoulle a un Nausti que vendeu moi cara a súa derrota no derbi vilalbés xogado no Anexo artificial da Magdalena. Das dúas primeiras veces que o Rioaveso se puxo por diante con goles de Martín, o conxunto naustiano logrou empatar. No tramo final os visitantes marcaron os dous goles da vitoria. O Nausti queda a catro puntos do líder, o seu próximo rival.

No grupo C2 da zona norte, a Comercial colle unha lixeira vantaxe no primeiro posto. Os pupilos dirixidos por Andrés Rodríguez superaron ao filial do Friol na Reigosa. Brandán anotou un dobrete e o cuarto gol foi da autoría de Pablo Fuertes, porteiro ao que lle tocou entrar como xogador de campo.

A pesar do resultado, os pupilos adestrados por Pájaro competiron ben. O míster faise cargo agora tamén do primeiro equipo no que resta de temporada en 1ª Rexional, pero compaxinará funcións co filial.

A Comercial é agora primeira cun punto de marxe sobre o Catro Roldas, vindeiro rival na capital. O equipo de Román sufriu un picazo na casa. Empatou a un gol ante o Celeiro.

No grupo C3 da zona sur, o gran duelo do grupo rematou en empate. O Lemos B e o Monterroso B igualaron e quedan cun punto de diferenza na clasificación. Polo momento, o posto de ascenso é ocupado polo filial lemista. Fajín foi un dos grandes destacados do filial, ao conseguir empatar das dúas veces que o club monterrosino se puxo por diante. O centrocampista monfortino marcou os dous goles de falta directa.

O resultado dos filiais foi aproveitado polo Castroverde. O equipo preparado por Iago Núñez venceu con contundencia a un Relámpago moi escaso de efectivos. Borja foi un dos grandes protagonistas do encontro anotando un dobrete, dando dous pases de gol e forzando un penalti co que o capi Richar redondeou a goleada. Sitúase a tres puntos do líder.

O gol de Monchito foi clave para que o Carballedo se puxera líder

No grupo C4 da zona sur, o Carballedo é o novo primeiro clasificado. Fixo valer a súa vitoria pola mínima ante o Taboada B para superar na táboa ao Sober. Ao filial taboadense non lle chegou coa súa boa imaxe e a gran actuación de Ledo baixo paus. O gol de Moncho antes do descanso serviulle aos pupilos de Rodrigo Amarante para sacar os tres puntos.

O cadro soberino perdeu pola mínima co Rubián co que a clasificación apértase de tal xeito que tres equipos están en dous puntos. A próxima finde Carballedo e Sober xogarán xuntos.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.