O Lugo leva o derbi da Primeira e o Chantada non dá tregua na Segunda

O cadro de Joaquín asalta o Castro Seoane, as de Álex Cambeiro non fallan na pelexa polo liderado

O PM Friol levou un empate agridoce de Abegondo. As rapazas de Covi deixáronse dous puntos no desconto porén o liderado segue en mans das lucenses despois do empate do Viaxes Interrías esta xornada.

Luca´s Grill
Moreno´s Pizza

Sufriu o conxunto da Reigosa nos primeiros compases. Consecuencia disto, chegou o primeiro tanto herculino. A partires do cuarto de hora de xogo, o PM Friol fíxose co partido, empatou e tivo ocasións suficientes para ir gañando ao descanso. Incluido un penalti fallado. Iso si, o segundo gol non chegou ata despois do paso polos vestiarios. O guion foi parecido na segunda metade. As visitantes sobrepuxéronse a un mal comenzo de reanudación para poñerse por diante no marcador. O PM Friol perdonou a sentenza e o Deportivo B empatou nunha falta directa en tempo de prolongación.

Na Primeira Galega, o derbi provincial tivo claro color albivermello. O Antas non se atopou cómodo en momento algún e cedeu ante un Lugo coas ideas moi claras e que impuxo o seu xogo. Tres goles nos últimos vinte minutos do primeiro acto desnivelaron a balanza a favor do cadro de Joaquín. Un Lugo que acumula tres xornadas consecutivas sen encaixar. O encontro entre o Bergantiños e o filial do PM Friol resultou adiado.

Deportes Élide

RESULTADOS DA XORNADA

Deportivo B 2-2 PM Friol

Antas 0-3 CD Lugo

EF Lalín 1-3 Chantada

Carballedo 2-2 Bandeira

San Roque 0-5 Santiso

Cruces 0-6 Monte Forte

Cruces 0-8 Milagrosa

A pelexa polo primeiro posto sigue a cara de can na segunda

Esther abriu a lata no derbi ante o Antas

Santiso e Chantada manteñen a súa particular loita polo liderado. Ambos conxuntos se atopan igualados a 37 puntos na clasificación despois de acadar sendas vitorias nesta xornada. Iso si, o principal rival das chantadinas conta cun partido menos disputado.

O cadro de Álex Cambeiro mantén o pulso tras superar a domicilio ao EF Lalín. Serio partido do Chantada, que deixou o tema resolto co terceiro gol no minuto 46. Iria asinou un dobrete ante un EF Lalín que marcou o tanto da honra no tramo final, ao aproveitar un erro defensivo das do Sangoñedo.

Pola súa parte, o líder asaltou A Polvoreira para golear a un San Roque que deixou unha gran imaxe. O Santiso, que sentenciou antes do descanso, fixo moito dano a balón parado. De feito, a maioría dos goles chegaron en saques dende o curruncho. As verdibrancas puideron marcar algún tanto á contra pero a pelota non quixo entrar.

A seis puntos cabeza queda un Monte Forte que xogou nun horario pouco habitual, o domingo ás 20.50 horas. Este feito propiciou baixas nas filas monfortinas. Aínda así, o cadro do Luis Bodegas terminou goleando. Elenita fixo un hat trick e Cheni, un dobrete. Porén o máis importante foi o dominio visitante e a recuperación satisfactoria de dúas xogadoras lesionadas, que volveron aos terreos de xogo.

Iria, autora dun dobrete para o Chantada

No entanto, o Carballedo empatou na casa ante o Bandeira. O encontro foi igualado, aberto e con constantes alternativas. O cadro de Iban Crespo adiantouse por dúas veces nun partido limpo e sen apenas faltas. A pesares de que dous dos goles chegaron desde o punto de penalti. O último deles, no minuto 89 e en contra dos intereses lucenses.

Ademais, a Milagrosa superou con claridade ao Cruces no seu duelo adiado da xornada 15. As rapazas de Héctor aproveitaron a súa data de descanso para recuperar este partido pendente e sumar tres puntos máis. Oito goles, con sendos hat tricks de Ainara e o xa habitual de Leire. Por último, a Comercial non xogou esta pasada semana ao adiarse o seu duelo ante o Touro.

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.