O fútbol feminino e o fútbol base rematan con ascensos e sen descensos

As categorías de base e as categorías femininas poñen punto e final a esta atípica 2019/2020. A RFEF vén de publicar na súa web un comunicado sobre todas as competicións non profesionais (pódese consultar aquí) no que realiza unha proposta para a conclusión das distintas ligas. A falta de aprobación, todo semella que será o modelo que se poña en práctica e se faga oficial nas vindeiras semanas.

Neste comunicado, no que se trata tamén o relativo á Segunda «B» e Terceira División, confirmase que as competicións de fútbol feminino rematarán coa clasificación tal e como estaba no momento da súa suspensión, sen descensos pero con ascensos (que se resolverán cun play-off exprés nos casos necesarios). O equipo lucense máis afectado por esta decisión é o PM Friol (clube que xa contaba con esta resolución) que, pese a acharse en posicións de salvación, asegura a súa presencia un ano máis no Reto Iberdrola. A Federación manifestou o seu interés en non crear subgrupos na temporada 20/21.

No que atinxe ao fútbol base, a RFEF decreta tamén o remate da División de Honra Xuvenil e a suspensión de descensos, Copa do Rei ou Copa de Campións. Sorprende ademáis o feito de que o representante español na UEFA Youth League será o RC Celta, campión con mellor coeficiente. Ademáis, o feito de que non haxa descensos, mantén ao CD Lugo na máxima división do fútbol xuvenil, a Racing Villalbés e CD Lugo «B» na Liga Nacional e a Residencia, Viveiro e Racing Villalbés «B» na Liga Galega. O procedemento dos ascensos desde as ligas provinciais, así como no resto das categorías, terá que ser confirmado pola Federación Galega nas próximas datas.

Se ben a incertidume segue a ser protagonista nas nosas vidas e rodea todas as decisións que se tomen, manteremos a todos os nosos lectores informados de calquer cambio que se contemple a nivel nacional, autonómico e provincial, agardando que o ano que vén estea cheo de diversión e alegrías onde máis nos gusta, sobre o verde.

 

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 523

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.