O Antas cae a zona de descenso a Segunda

O Lugo prolonga o bo momento e Antas e PM Friol B complícanse a vida

A Primeira foi a única e exclusiva protagonista da última fin de semana para As Nosas Guerreiras. No grupo de ascenso, chegou a alegría. Pola contra, na loita por evitar o descenso todo foron malas noticias.

Luca´s Grill
Moreno´s Pizza

O Lugo encadenou a súa terceira xornada consecutiva sen perder nun encontro cun guion parecido aos últimos. Dominio da posesión e moitas ocasións no inicio. María Valcárcel fixo un golazo na primeira aproximación das rapazas de Joaquín. Despois, chegou unha boa dose de pólvora mollada. Fallando incluso oportunidades a porta baleira.

Mery, goleadora do Antas
Deportes Élide

Iso fixo aparecer a desconfianza e o partido abriuse. O O Val empatou xusto antes do descanso. Porén, na reanudación, o cadro branquivermello tivo esa sorte que foi esquiva outros días. E Berta conseguiu o tanto do triunfo na última xogada do encontro. O Lugo asinou así un inicio e final de partido de película de Hollywood.

O Antas entrou en zona de descenso despois de caer con claridade no campo do Victoria CF B e ver como o Concello de Boiro gañaba o seu partido. As rapazas do Castro Seoane non deron coa tecla e xa recibiron o primeiro golpe antes dos dez minutos de xogo. Outro tanto antes do descanso, e dous xusto despois do intermedio; mataron o duelo. Mery fixo o gol da honra.

Pola súa parte, o PM Friol B só queda cun punto de vantaxe sobre a zona de descenso. Os rivais da zona baixa venceron nesta última data mentres que as de Diego Vivero foron superadas polo Orzán. No cuarto choque da temporada entre ambas escuadras, o PM Friol B non foi capaz de presionar ben e deixou escapar os puntos en terras coruñesas.

Resultados da xornada

Lugo 2-1 O Val

Orzán 3-0 PM Friol B

Victoria CF B 4-1 Antas

Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 860

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.