O Sanci consegue o ascenso e ao Antas pónselle de cara

O Sanci dependía de si mesmo e non fallou na súa cita na Veiga

Foto de portada: CD San Ciprián

Luca´s Grill
Moreno´s Pizza

A Segunda Rexional chegou ao seu final na zona norte. O Sanci logrou subir de categoría tras cumprir no seu partido ante o Muimenta. Varios equipos quedan pendentes dos arrastres. Na zona sur, a clasificación virou esta xornada. O Antas depende de si mesmo para ascender, o Becerreá esperará o erro dos da Ulloa e a Mila xa quedou sen opcións. Contámolo nunha nova entrega dos #OncesFutbolinlugo.

Rematou a fase de ascenso da zona norte coa subida á Primeira Rexional do Sanci. O conxunto preparado por Jaime Méndez dependía de si mesmo e non fallou na Veiga ante o Muimenta. O traballo colectivo fixo que os locais conseguisen adiantarse xa antes do descanso para afrontar a segunda metade con máis tranquilidade.

Deportes Élide

Deste xeito, o Sanci recupera a categoría perdida en 2019. Tentara volver ao ano seguinte, pero o parón pola covid non o beneficiou. Naquel momento estaba igualado coa praza de ascenso pero a Federación decidira que o merecedor desa praza era o Pontenova. Agora volven logo de lograr cinco triunfos e dous empates en oitro partidos na 2ª fase.

Nunha meritoria segunda posición rematou a Candelaria que exprimiu as súas opcións de chegar ao primeiro posto ata o último momento. Cumpriu no seu encontro ante o Meira onde reafirmou a súa condición de equipo revelación neste curso na zona norte.

O Meira rematou na terceira praza, a seis puntos do líder. Empatado a puntos (nesta fase) quedou de cuarto o Cospeito que derrotou ao Cabreiros no último partido de liga. O cadro xermadino quedou un posto máis abaixo, de .

A primeira vitoria desta fase para o Guitiriz chegou no último encontro e os tres puntos provocaron que o conxunto guitiricense escalase posicións para finalizar sexto, por diante do Celta Barreiros (o seu rival na última xornada) e do Muimenta.

Finalizou tamén a fase de permanencia na zona norte da provincia. Co descenso xa confirmado do Mondoñedo, equipos como o Abadín, o Matela ou a Fonsagrada quedan pendentes dos posibles arrastres. Este venres detallarémolos cunha información especial sobre os posibles descensos de categoría.

O Iberia foi o campión deste grupo de permanencia. Quedou ás portas de entrar na fase de ascenso e demostrou ser o mellor neste tramo do campionato. Sete vitorias e un empate falan por si sós do papel dos xogadores adestrados por José Manuel. No último encontro venceron pola mínima ao Abadín.

Tan só un partido foi o que perdeu o Xermade na 2ª fase. Demostrou estar nun gran momento e culminou o seu bo estado de forma cunha vitoria ante a Fonsagrada.

Pola súa banda, o Roupar quixo evitar problemas e logrou un triunfo pola mínima de suma importancia ante o Goiriz para evitar estar pendentes dos arrastres ao deixar a catro equipos por abaixo.

O Mondoñedo quixo despedirse da categoría con vitoria e así o fixo. Conseguiu os primeiros tres puntos da 2ª fase ante un Matela que terá que estar pendente dos arrastres.

Na fase de ascenso da zona sur a clasificación cambiou de repente na penúltima xornada. O ata agora líder Becerreá empatou na súa saída a Pantón. Os pupilos preparados por Antón Méndez puxéronse cun 0-2 ao seu favor pero na segundo foi avanzando a segunda metade o Ferreira conseguiu igualar o duelo. O cadro da Montaña terá que gañar o seu partido e agardar un fallo do antos.

Esta situación aproveitouna de boa gana o Antas que venceu na Carqueixa ao Río Sil e agora depende de si mesmo para ascender. Os visitantes puxéronse por diante rápido con goles de Besteiro e Álex Diéguez. O monterrosino conseguiría o terceiro no segundo tempo. Os locais marcaron o gol da honra na recta final do econtro. Melendo continúa como o porteiro menos batido do grupo.

Sen opcións de ascenso quedou a Milagrosa. Caeu con contundencia no resultado ante o Oural. No partido sen grandes cousas en xogo, o Chantada B e o Paradela empataron.

No grupo de permanencia que queda en xogo falta unha xornada para rematar a liga. O Quiroga e o Santa Comba perderon os seus partidos e xogaranse nesta finde a praza de descenso directo. Non obstante, a salvación está complicado para o outro conxunto por mor dos arrastres.

O Brollón é quen lidera a clasificación neste grupo logo de vencer al Quiroga. E será primeiro porque o Sporting Lucense ten un punto menos pero descansa na última xornada. O equipo de Lolo derrotou pola mínima ao Santa Comba. O Páramo está na metade da táboa con quince puntos.

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.