O anecdotario: «Picoume o bicho da Xira», por Vérez

Co título pensaredes unha cousa. Aseguramos que será outra

Hoxe vouvos contar como perderse sutilmente o primeiro partido do ano. O que sempre coincide coa Xira de Vilalba. Xa sabedes da importancia que isto ten para os vilalbeses. Isto pasoume o primeiro ano de sénior. Xornada inicial. O típico partido que todo o mundo elixiría no ano para non ir convocado. E quedar no monte toda a fin de semana.

Remontámonos ao principio desa semana. Estábamos adestrando e os máis veteráns vacilando:

-«Vaste perder a primeira Xira da túa vida. Non vas poder saír ao ter que xogar…«.

«É o que toca», respostaba resignado. Pero ao mesmo tempo tampouco me importaba tanto. No fondo quería xogar.

Sería xoves xa. Rematei de adestrar e marchei para casa. Todo iso despois de levar a semana enteira montando o caseto da Xira no monte. Non sei se isto tivo algo que ver co que pasou despois. O mesmo xoves á noite comezou a picarme un xemelgo. Rasquei, como podedes imaxinar. Sentíao duro, cada vez máis grande, duro como unha pedra.

Fun ao ambulatorio. Alí dixeron que me picara un bicho. Puxéronme unha inxección e todo. A pregunta era obrigada:

«Poderei xogar a adestrar?»

-«Complicado» -dixo o sanitario.

Avisei no equipo e fun adestrar ao día seguinte. Pero nada. Xa todos ríndose. E saltaron os López e Make de turno:

-«Collíchelo a propósito. Picáchete con el. Tiráchete alí no prado e claro…».

Así foi como non tiven que ir xogar a fin de semana da Xira e aproveitei alí a ‘finde’ completa. Despois diso, o luns xa estaba perfecto. Non sei se sería o tratamento…

 

David Vérez Ramil. O central do pobo, defensa de garantías no Rácing Villalbés

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 875

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.