O anecdotario: «O dedo tolo», por Alberto Pacio

Unha solución caseira e un problema do máis curioso

Era eu xuvenil de segundo ano na Residencia. Estabamos adestrando os porteiros. Jorge, xuvenil de terceiro ano, máis eu.

Nun momento determinado, nunha parada máis a facer, un dos meus dedos debeuse quedar enganchado co chan. E saiuse do sitio o maimiño. Daquelas, Jorge estudaba enfermería. Así que fomos ao vestiario, subiume o dedo, medio curoume e seguimos adestrando.

Alberto, defendendo as cores da SD Becerreá

Ao día seguinte tiña o dedo superinflamado, cunha pelota criminal. Pensei se tería algo roto ou non. Aínda que cría que simplemente era un esguince. O dedo soldoume, pero sigo téndoo deformado a día de hoxe cunha bola nel. Iso si, non me doe nin nada.

Xa pasado un tempo, no primeiro ano en Riotorto volveuse saír o óso do sitio nun partido (non recordo cal). Quedeime pillado. Cada vez que encollía os dedos, o óso saíaseme. E cando estiraba a man poñíase ben. Chamei ao árbitro, expliqueille, saquei as luvas e dobreille o dedo para ensinarlle a película. Arriba e abaixo, estirado e dobrado. Veu o adestrador, que era Kubala, e díxenlle que non pasaba nada. Estireillo e outra vez ao sitio.

Queríanme cambiar pero non deixei. Puxen a luva e pedinlles que me vendasen o dedo maimiño ao do lado. Co esparadrapo, que deran unhas cantas voltas para non dobrar o dedo e seguir xogando. Rematei o partido e levoume meu pai, que viñera ver o encontro, ao hospital.

No Hospital da Virxe dos Ollos Grandes fixéronme radiografías e demais. O dedo soldara mal dende que era xuvenil. E o maimiño quedou así e así segue.

Alberto Pacio Prado. Porteiro do Friol, un arqueiro de confianza

Fotografía: SD Becerreá

Luca´s Grill
Moreno´s Pizza

Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.