O All Star Burela 2019 vai collendo forma

Anunciamos todas as novidades no tocante ao gran evento do ano

Hai escasos meses que soltamos a bomba. Futbolinlugo organizará o seu primeiro evento. Unha festa de final de temporada. O colofón a toda unha temporada chea de fútbol. O lugar elixido era A Marosa de Burela. E o día, o sábado 29 de xuño.

Jesús Vázquez Tallón. EP

Pois a ceremonia en cuestión xa vai collendo forma. Finalmente serán dous partidos os que se disputen e non un. Disputarase un encontro feminino na modalidade de fútbol-8. Acto seguido, terá lugar o choque entre os Destacados de Preferente e Terceira Galicia vs os Sobranceiros da Primeira e Segunda Galicia. Todo elo acompañado por unha previa repleta de concursos e sorpresas.

Vitín

De cara a este All Star contaremos coa inestimable axuda da Federación Galega de Fútbol. Ademais da aportación de material, ambos encontros serán dirixidos por colexiados adscritos á mesma. E tamén vos podemos adiantar novidades con respecto aos banquiños. Onde xa temos tres adestradores confirmados.

O seleccionador feminino sub12, Jesús Vázquez Tallón, estará en Burela despois de firmar unha clasificación histórica co combinado lucense. Así mesmo, viviremos o regreso aos banquiños de Víctor López ‘Vitín’. O talentoso preparador vén de asinar unha gran época no Pastoricense e o All Star Burela 2019 suporá a súa ‘volta aos ruedos’. Polo de agora, só nos queda mandarlle ánimos para que siga recuperándose da súa lesión de xeonllo.

E o terceiro elemento deste triángulo técnico recibe o nome de Pablo Álvarez. O exxogador de Deportivo, Lugo e New York City (entre outros) é de sobra coñecido pola súa vinculación coa nosa provincia. De feito, o seu irmán xogou en varios conxuntos do noso fútbol. Pablo, ovetense de nacemento, acudirá á nosa chamada. Será un dos buques insignia deste evento que promete emocións fortes. Agradecémoslle enormemente a súa presenza. Sabemos que non é doado cos varios compromisos que ten coa LFP. Nas próximas semanas seguiremos informando, nos nosos diversos medios, das novidades máis salientables no tocante a esta gran festa do fútbol lucense.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.