Meira, Corgo, Oural e Incio asinaron as goleadas da primeira xornada

O Meira é un dos equipos favoritos ao ascenso á Primeira

A Segunda Galicia volveu á competición cunha primeira fase nas que os tradicionais grupo norte e sur se parten en dous. Ligas curtas e moitos equipos con aspiracións de quedar entre os catro primeiros para confirmar a permanencia na categoría e pelexar pola praza de ascenso en xogo de cadansúa zona.

No grupo da Mariña e dos equipos xermadinos salientaros as vitorias do Sanci, do Cabreiros e do Celta Barreiros. No caso do cadro preparado por Abel Rochela venceu no primeiro derbi da tempada ante o Roupar. O cadro de Barreiros venceu ao Xermade cun gran partido de Jorge no seu regreso ao equipo. Xogou no medio aínda que nos Onces Futbolinlugo tivo que retrasar a súa posición. O Iberia e a Candelaria igualaron sen goles.

Fiso Ronda

No grupo da Terra Chá, Meira e a Fonsagrada destacou a goleada do conxunto meirego ante o Cospeito. O Goiriz venceu ao Abadín a domicilio e o Muimenta superou ao Guitiriz na casa. A igualdade estivo no Fonsagrada – Matela, que finalizou con empate a un gol.

No grupo de Lugo cidade, comarca de Sarria e Becerreá fíxose forte o Corgo que venceu con contundencia ao Santa Comba. O Becerreá gañoulle ao Sporting Lucense e o Paradela superou pola mínima ao Palas nun partido de cinco goles. O Antas e o Páramo firmaron táboas.

No grupo da comarca de Lemos, Chantada e Quiroga houbo dúas claras vitorias en canto a marcador se refire. A do Oural na Carqueixa co Río Sil e a do Incio no Cascabeiro ante o Quiroga. O filial da SD Chantada derrotou pola mínima ao Ferreira. O Brollón e o Bóveda empataron a un tanto.

Imagen por defecto
Iván Calaza
Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.
Artículos: 485

Deja un comentario