Máxicos Primeira. Xornada 1

Comezou o espectáculo e, con el, as nosas anécdotas e resumo da xornada

*Xove Lago-Lourenzá: Igualdade e intensidade. Ingredientes típicos dun derbi que rematou en remontada local. Iago adiantou aos branquivermellos nunha primeira metade na que Recalde tivo o segundo. O Xove Lago igualou nun penalti tralo descanso. E levouse o gato á auga ao aproveitar un grave erro visitante. A peor nova foi a lesión de xeonllo de Saúl. Os de Bruno Gómez teñen agora aos seus dous porteiros lesionados.

*Pastoricense-Chantada Atlético: Empate sen goles nun partido con momentos para ambos conxuntos. O Chantada Atlético entrou mellor e o Pastoricense ameazou antes do descanso. Na reanudación, Anxo topouse co pau e Raúl firmou a anécdota da xornada. Botou unha falta que se colou na meta rival. Pero entrando o coiro polo lateral da rede, que estaba rota.

*Folgueiro-Castro: O Folgueiro marcou nada máis comezar ante un Castro que foi a máis co paso dos minutos. Os de Vitín remontaron antes do descanso. Deixaron con vida aos locais na segunda metade. O conxunto de Jandri non lle perdeu a cara ao encontro. E ganou enteiros coa expulsión de Pedro Díaz. No desconto, Aurelio pescou en río revolto nunha xogada embarullada na área. Un tanto moi protestado e que rematou coa expulsión de Torito.

*Guntín-Monterroso: Duro debut para o Guntín. Os de Martín acusaron a súa fraxilidade defensiva ante a intelixencia táctica do Monterroso. Os de Óscar Méndez encarrilaron o encontro antes do descanso e sentenciaron nunha segunda metade plácida. Os de Cerdeiriños, primeiro líder desta temporada.

*Outeiro de Rei-Friol: Primeira media hora de poder a poder. No tramo final da primeira metade, o Outeiro deu un paso adiante. Dous paus e o gol de Diego Redondo así o xustifican. Tralo descanso, os de Josito Jul sentenciaron a un Friol que sufriu as lesións de Cobas, Omar e Víctor.

*Burela-Riotorto: Un Riotorto moi serio e coas ideas claras levou un punto in extremis da Marosa. O Burela adiantouse por dúas veces. Un tanto postreiro de Pablo Ruiz de penalti propiciou o empate final dos de Suso Orxás. Os de Jaime buscaron as súas opcións dende a intensidade e o aproveitamento dos espazos. Pero o doblete de David Ben non chegou para lograr o triunfo ante un Riotorto que quedou con dez e viu como lle anulaban un gol.

*San Roque-Pol: Carlitos marcou as diferenzas no Polvorín. Gol e asistencia dun veterán que está moi vivo. O fútbol directo reinou na capital lucense nun encontro no que o San Roque estivo a punto de arañar un punto ao remate. O debutante Pedro deu o pase da morte para Iaguito, que estrelou o balón no longueiro.

*Atlético Escairón-Santaballés: Non defraudou o duelo entre dous dos favoritos. Toti adiantou aos de Montoto nos últimos compases dunha primeira metade igualada. E na que Pandiani puido facer un gol máis de pena máxima. Na reanudación, rexistrouse un penalti por barba. Os do Saviñao metérono e o Santaballés, que quedou cun home menos, errárono.

*Chantada-Taboada: Derbi de alternativas no Sangoñedo. Dous erros defensivos condicionaron a un Taboada que non logrou facer o seu xogo. Javi Ramos marcou en cada unha das partes e deixou os tres puntos na casa.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 861

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.