Julio Corral: «A próxima campaña adestrarei á Sarriana»

Os mentideiros futbolísticos situaban a Julio Corral lonxe de Ferreira. En Sarria concretamente. Así que fumos a falar co protagonista principal. E, efectivamente, confirmounos o que xa comezaba a ser un segredo a voces.

-FUTBOLINLUGO: Boas Julio. Antes de nada, toca felicitarte por esa gran temporada!

-JULIO CORRAL: Ao principio existía incertidume. O plantel era o do ano anterior que pelexara por non descender. Logo chegaron unha serie de retoques. Ascendimos, así que o resultado final é positivo. Sempre que se logra un ascenso hai algo positivo.

-FIL: A tempada foi boa. No entanto, parece que non continuarás en Ferreira…

-JC: Despois dun par de semanas de conversacións coa Sarriana, onde xa estiven en dúas etapas, decidín ir para alí. Levarei o primeiro equipo e a coordinación do fútbol base.

Na Sarriana levarei o primeiro equipo e a coordinación do fútbol base

-FIL: Cales serán as liñas mestras deste novo proxecto da Sarriana?

-JC: Potenciar o fútbol base sobre todo. E ter un equipo de Primeira Rexional competitivo. Non será o ascenso un obxectivo principal. A aposta principal é pola canteira. Iso sí, sen despistarse do primeiro equipo, que é a referencia sempre. Tratarémolo de ter o máis alto posible e se podemos aspirar ao ascenso, loitarémolo. Pero coa Primeira Rexional que vén… 

-FIL: Demasiado histórico na vindeira Primeira. E só poden ascender dous a Preferente…

-JC: Vai ser unha categoría supercompetitiva e algún quedará sen premio.

A aposta principal é pola canteira. E ter un equipo de Primeira competitivo

-FIL: Qué plantel vai armar Julio Corral para estar ao nivel que esixe a competición?

-JC: Estamos negociando coa xente de Sarria e reforzaremos o equipo con fichaxes onde non teñamos xogadores de Sarria ou da comarca. Levo tres días de conversacións con xogadores e podo adiantar que Diego Samos está renovado. Nunha semana saberanse máis nomes.

-FIL: Tes pensado ‘pescar’ nos veciños do Páramo?

-JC: En principio non o temos pensado. Dependendo do que conteste a xente de Sarria mirareos algunha fichaxe. Temos varios frentes abertos, pero aínda non rematou a competición e non queremos apurar á xente.

Diego Samos está renovado. Nunha semana saberemos máis nomes

-FIL: Por último, qué agardas desta terceira etapa na Ribela?

-JC: Ogallá esta terceira sexa coma as anteriores, nas que logramos o ascenso. Teño que agradecer ás directivas daquela época a confianza que depositaron en min. A ver se conseguimos os obxectivos nesta Terceira!

FIL: Grazas Míster. Moita sorte!

JC: Grazas. Un saúdo.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 873

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.