O Polvorín obtivo un empate de moito mérito ante a UD Ourense, líder da Terceira RFEF, que lle fixo aspirar a loitar polo playoff de ascenso á Segunda RFEF, categoría na que xa estiveron hai dúas tempadas. Os lucenses mantiveron as boas sensacións que tiñan con Dani Galán coa chegada de David Páez no primeiro encontro tras o ascenso ao primeiro equipo coma analista do adestrador lucense.

Un dos grandes referentes do cadro de xogadores é Jorge Maceira, que anotou un doblete ante o conxunto ourensán. O máximo goleador do filial albivermello pasou polos micrófonos do Ser Deportivos Lugo desta semana e enfrontouse ás preguntas de Álex Gato, presentador do programa, e Eros López, redactor de Futbolinlugo. Na entrevista falaron sobre o estado do Polvorín, os obxectivos para esta tempada, a influencia de David Páez e o seu futuro.

Podes escoitar aquí a entrevista íntegra:

Partido ante a UD Ourense: «Visto como acabou o encontro foi un punto de mérito, pero todo o equipo ao comezo da semana non pensabamos noutra cousa que non fora a vitoria e así adestramos todos os días, convencidos de que íamos conseguilo. Con esa enerxía comezamos o encontro, pero tivemos a mala sorte da expulsión de Damián e cambiou o rumbo do encontro e o Ourense pasou a ter o dominio».