Futbolinlugo gaña o premio Pulitzer coa III Guía ‘Fútbol en Lugo’

Os membros de Futbolinlugo prepáranse para a polémica. É a primeira vez que este galardón se outorga a alguén fóra dos Estados Unidos

Os premios máis prestixiosos do xornalismo de Estados Unidos fíxanse por vez primeira nunha publicación estraxeira. Esta madrugada a Escola de Xornalismo da Universidade de Columbia en Nova York comunicaba que «pola súa excelencia e calidade» a III Guía ‘Fútbol en Lugo’ era merecedora do primeiro galardón internacional dos Pultizer na categoría de ‘Mellor publicación en papel’.

Luca´s Grill
Moreno´s Pizza

A destacada entidade estadounidense destaca tamén «a importancia de seguir apostando por produtos deste tipo nuns tempos no que o móbil céganos os ollos». «Saber quen xoga no Fonsagrada é unha información chave para que despois vaia comer alí Mel Gibson», salientan dende a recoñecida universidade.

Os galardóns entregaranse nunha gala en primavera e o premio terá un valor de 10.000 dólares. «Nós polos cartos non vamos», admite Diego Díaz, redactor de Futbolinlugo. «Nós somos fieis aos nosos, ao recollepelotas de Castro ou o do paraugas de Santaballa. Un galardón deste tipo non nos vai facer perder a cabeza«, sorprende Díaz.

Deportes Élide

Futbolinlugo quere facer extendible os agradecementos e méritos ao xornal El Progreso por contribuír de xeito esencial a publicación e difusión da III Guía ‘Fútbol en Lugo’. Para sorpresa de moitos, comentan que a cuantía do premio será doada integramente a todas aquelas empresas e institucións ás que lles petaron na porta para pedir axuda e nunca lles fixeron caso. «Entendemos que era porque o estaban a pasar mal. Agora nós repartiremos equitativamente os cartos segundo a atención recibida. Coa esperenza de que nun futuro se abran a colaborar con nós. Hoxe por ti, mañá por min», sentencia Diego Díaz.

Dende Futbolinlugo queren agradecerlle a toda a xente que si fai posible que esta aventura siga adiante día a día. Agardan que este impulso mediático non sirva para outra cousa nada máis que para seguir medrando e difundindo o fútbol lucense. Agradecen tamén a quen chegara lendo ata este último parágrafo e aínda non se dera conta que é o día dos Santos Inocentes. Queren remarcar que esta data en Galicia aínda é máis sinalada o 1 de abril que é cando todos os burros van a onde non deben ir.

A Futbolinlugo vide sempre. Feliz Nadal!

Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 559

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.