O Racing Vilalbés continuará capitaneado por Pablo Vivero. O club fixo oficial a renovación do mediocentro por unha temporada polo que cumprirá a súa vixésimo cuarta no cadro chairego. Ademais, o equipo adestrado por Juan Peón, comunicou a renovación do central Diego Muíña.

Pablo Vivero vén de vivir a mellor temporada co Vilalbés a nivel colectivo, ao chegar a segunda fase de ascenso á Segunda B

Na Primeira o Santaballés reforza a defensa coa chegada de Alberto Cornide «Muñiz». O futbolista de Árbol, que tamén se desenvolve na posición de mediocentro, chega procedente do Outeiro de Rei co que disputou este ano a Preferente. Criado nas categorías inferiores do Racing Vilalbés, tamén pasou pola Sarriana.

Na Segunda o Xermade informou da súa primeira incorporación para a vindeira temporada despois do seu descenso. Trátase do regreso do dianteiro Adrián Meizoso, coñecido tamén como o «Cañoneiro do Barreiro» que chega procedente do Cabreiros. Ademais, o Iberia comezou a adestrar cunha nova fichaxe, a de Iván Javier Martínez Parra «Ivanja». O atacante de 23 anos reforza o cadro de Reinante logo dun ano sen xogar o fútbol e previo paso polo Tapia e o Astur Vegadense.

Na Terceira bota a andar o novo proxecto do Matela que mantén a 15 futbolistas do ano pasado coa principal novidade de que Rubén Sanjurjo «Piru» será o novo adestrador, despois da marcha de Quiroga. O cadro de Outeiro tamén terá 10 xogadores a proba. Indo cara o norte, o Celta Barreiros confirmou os seus amigables de pretemporada. Este domingo xogarán en Foz, o vindeiro mércores fronte ao Ferreira, o venres 17 na casa ante o Mondoñedo e o mércores 29, tamén na casa, co Lourenzá.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 548

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.