Nesta semana son moitos os equipos que están volvendo a vestirse coa roupa dos adestramentos xa que comezan a preparar a nova temporada. Non obstante, o cadro de futbolistas aínda non está pechado en moitos deles e os clubs seguen acudindo ao mercado. Na Preferente Norte, o Escairón fichou ao dianteiro Ibrahima Ndiaye «Ibou» que xa conta con experiencia na categoría. Foi xogador do Lemos nun tramo da temporada 2015/2016. A pasada campaña xogou co As Pontes na Terceira División onde participou en 22 encontros e anotou dous goles. Pola súa banda, Duque é baixa no Lugo B, falta saber agora cal será o seu destino.

Breo chega ao Brollón procedente do Sober

Na Primeira o Burela anunciou a renovación de Juan Pablo, mentras que Diego Quiroga seguirá un ano máis no Lemos. Na Segunda o Brollón refórzase coa chegada de Breo e ao Palas chegan Panucci, Mendoza e Martín. O equipo adestrado por Quintela xa ten planificados os seus amigables de verán. O día 5 enfrontarase ao Santiso, o 12 ao Friol, o 19 ao Chantada e o 27 ao Antas.

O Sporting Lucense iniciou hoxe a súa pretemporada. O conxunto da capital da provincia conta coa continuidade de Michu, Lolo, Jacobo e Darío. Ademais chegan procedentes do San Roque José Luís, Senen, Purri e Rubén Pena.

Na Terceira o Friol B, encadrado no grupo centro , fichou ao medio centro Manu Amor A pesar da súa xuventude xa debutou con 14 anos na Primeira Galicia vestindo a camisola do Sagrado Corazón nun encontro na Pinguela ante o Lemos. Pola súa banda, o Quiroga comezará a pretemporada o próximo martes.

No que respecta a base, o Sagrado Corazón suma un novo técnico. O xoven vilalbés Asier Lozano farase cargo dun equipo de fútbol 8. Algo que complementará xunto coa súa faceta de ser adestrador axudante noutros equipos do club.

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.