Hoxe comezamos este Diario dun mercado coa mellor noticia posible. A que garantiza a continuidade da SD Chantada. O nomeamento do novo presidente, Jorge Nodar, asegura a supervivencia deste histórico do fútbol lucense.
E de histórico a histórico. O Lemos por fin puxo fin ao culebrón. Como adiantaba esta casa, David Páez rexeitou a oferta monfortina. O cal convertía en adestrador ao técnico do Riotorto Josito Jul. Nesa mesma categoría o Ribadeo apuntalou a seu costado esquerdo con Germán, un novo extremo ou lateral procedente do E.I. San Martin del Rey Aurelio da Terceira División astur.
Tamén se rexistraron movementos nos recén descendidos a Primeira Galicia neste Diario dun mercado. O Santaballés perde ao dianteiro Miguel Casas, que asina co Cedeira. No entanto, en Foz anunciaron as renovacións de pesos pesados como Dani Chao, Rivera, Gonzalo, Xenxo e o meta Alonso. Ademais incorporan a Huguito, procedente do Celta Barreiros.
Nesa mesma categoría, un vello coñecido do Martínez Otero fai as maletas dirección ao Acebreiro. O noso All Star Javi Chinchón é o novo adestrador do Pastoricense. Así mesmo, o recén ascendido Antas contará unha temporada máis con Melendo tanto no banco como na portería.
Na Segunda, o Meira suma a filas a Sommariva, antigo mediocentro do Pol. E o mediapunta Yelko non seguirá en Guntín. Na Terceira, o Santa Comba segue configurando un proxecto de garantías. Os de Merino aseguraron a continuidade de Moha e ficharon a Stalin, un central técnico e con envergadura, que vivirá a súa primeira experiencia en España. Chegou a xogar nos xuvenís do Barcelona de Guayaquil.
Por último, varios apuntamentos de emigrados. Uxío renova no Arenteiro e o central Martín Ross marcha ao C.D Manchego Ciudad Real desde o Arousa. O meta Javi Rumbo cambia Vilalba por Betanzos para pechar este Diario dun mercado.
