Pese á incertidume que rodea o inicio de temporada e o transcurso da campaña 2020/2021 por mor da complicada situación que estamos a vivir, os clubes de toda a provincia traballan arreo para configurar cadros de xogadores competitivos de cara a este ano deportivo.

É o caso do Racing Villalbés, que se prepara para competir no hipotético Grupo 1 da Terceira División Galega e que vén de asinar ao central Bruno Caballero, con pasado no clube chairego e que procede do Águilas FC. Tamén na Terceira competirá -a priori- outro chairego, pois Diego Villares foi chamado por Juan Carlos Valerón para incoporarse á pretemporada do Fabril, agora mesmo paralizada por un caso positivo da Covid-19 no filial deportivista.

Na Primeira Galicia, o «Atleti» Lourenzá anunciou a incorporación do gardamallas Clemente, formado nas categorías inferiores do Racing Villalbés e parte do primeiro equipo roxiverde a pasada campaña. Clemente xogará con vellos coñecidos da canteira da Madalena, como Paulo e Jose, xa renovados polo conxunto da Faba Brava. Máis ao norte, o Alfoz afronta a nova aventura na Primeira con renovacións importantes, como a de Chinclavo.

Por último, na Terceira Galicia, tamén un clube da Mariña é protagonista, o Celeiro Club del Mar, que incorpora ás súas filas ao extremo Alexis (CD Alfoz), Bruno (Viveiro CF xuvenil), ao atacante Álvaro (base CD San Ciprián), ao medio Vilariño (base CD San Ciprián) e ao centrocampista Óscar Fraga (base Ural CF), ademáis de renovar ao adestrador, Martín Rodríguez.

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Un comentario

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.