Tan só un día sen publicar un Diario dun Mercado e acumúlanse as novas. Hoxe comentaremos, unha vez máis, todas as novidades dos nosos clubes, desde a Terceira División até a Terceira Galicia, pasando polo fútbol feminino. Na Terceira, o Viveiro CF renova a dous dos seus pilares fundamentais no ascenso desde Preferente: Tichu e Iván. Ademaisos de Cantarrana asinan a Édgar, procedente do CSD Arzúa, como adiantou La Voz de A Mariña. Por outra banda, o defensor lucense Ruchi abandona a disciplina do Somozas. Na Preferente, o protagonista e a SDC Residencia, onde renovan os capitáns Carlos Raposo, Dani Galán, Róber e Chiqui. Porén, os da Cheda sufrirán a baixa de Lucas. 

Na Primeira Galicia, o Chantada Atlético renova un ano máis a Miguel, Anxo e Ariel. Máis ao norte, o Folgueiro cambiará de adestrador na súa segunda campaña na categoría, ao non seguir Jandri Rego. Tamén Mora abandona o conxunto da Mariña. Outro clube mariñano con novidades é o Sporting Pontenova, no que non renovarán Xoel, Óscar e Zana. 

Nico comandará a aventura do Fonsagrada na Segunda Galicia.

Tamén na costa hai novidades no que atinxe á Segunda Galicia: Adrián Barrrera (ex de Astur Vegadense e Ribadeo) asina polo Iberia, cores que xa vestiu na súa etapa de base. O Fonsagrada continuará con Nico como técnico do equipo e, no sur, o soberino Michel comandará a nave do Incio. Ademais, o Brollón asina a Iago López, que chega desde o CP Calasancio.

Voltamos á Mariña para falar da Terceira Galicia. Nela, o Celeiro Club del Mar renova ao preparador Martín Rodríguez e aos xogadores Josiño, Orli, Ceas, Quintela, Pelo, Dani Diaz, Dani Liz, Atoche, Poti, Xabi, Silva e Brais, mentres que Abraham e Javi non continuarán no clube. Avanzando cara o sur, Víctor Valiño renova no Monterroso «B» e Xavi Castro fai o propio no filial do Lemos.

Por último, no fútbol feminino, o Carballedo CF continúa a preparar a súa terceira campaña como clube federado, renovando á gardamallas Lali, a Uxía e a Lucía Míguez. 

Luca´s Grill
Moreno´s Pizza
Imagen por defecto
Santi Real

De campo en campo. Maniaco do fútbol. En formación continua, aprendendo cada día.

Artículos: 525

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.