Levabamos uns días sen actualizar o mercado. Os movementos van a menos conforme comeza a temporada. A maior parte dos equipos teñen o seu cadro de xogadores case confeccionado. Aínda así, botamos a vista as últimas altas e poñémonos ao día do mercado da provincia.

A Primeira Rexional xa botou a andar de forma oficial. Despois da 1ª rolda da Copa, esta finde chega a liga. O Pastoricense renovou a Rico e anunciou a fichaxe de Celeiro. Ademais, Manu Carreira reforza o Riotorto. Vindo cara a Terra Chá, o Castro fichou a Sergio Begonte, procedente da base da Residencia. O Guntín comunicou varias novas. Por unha banda a continuidade de Javi Paz e Purri. Pola outra as incorporacións do mediapunta Adri (anteriormente xogou no Valadouro ou na Milagrosa), a de Palle, Omar, Eli (volve ao fútbol despois dun tempo afastado dos terreos de xogo) e o defensa Pedrito.

O Guntín e o Pastorticense pasaron exentos a 1ª fase da Copa Deputación 2020

A Segunda e a Terceira Rexional terán esta fin de semana a súa estrea na Copa. O Incio fichou a Hugo Gallego procedente do Bóveda e a Nacho Castellano que non estaba xogando na actualidade pero ten pasado na Sarriana. Ademais o Páramo reforzouse con Soto. O dianteiro xogou a última campaña no Matela. Anteriormente pasou por equipos como a Milagrosa ou o Catro Roldas. Nesa Segunda Rexional estará o Bóveda. Especulouse nos últimos tempos coa súa posible non saída na competición, pero finalmente aí estará. No grupo norte, o Roupar incorporou a Santi Rouco que volve aos terreos de xogo despois dun tempo inactivo.

No tocante ao fútbol feminino, esta finde temos a incoporación inmediata a competición do Friol. Comeza a súa aventura na Reto Iberdrola. A estrea será na casa ante o Deportivo Alavés. Estes días o club está anunciando nas redes sociais algunhas novidades para a presente campaña. Polo momento só renovacións. Fanny Varela e Mini continúan. Ademais do adestrador de porteiros, Ángel Muñoz que formará parte do cadro técnico encabezado por Daniel Guerrero. Tamén comezan na próxima fin de semana os proxectos do Antas e do Friol B na Primeira Galega. Quen aínda non ten data de comezo é o Burela co seu equipo de F-8. Polo momento o que sabemos é o nome da súa última incorporación: Nai.

Luca´s Grill
Moreno´s Pizza
Imagen por defecto
Redacción Futbolinlugo
Artículos: 274

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.