Destacados Primeira. Xornada 33

*Ferreira-Chantada: Bo comezo dos de Juan, que se adiantaron no marcador. O Ferreira empatou e igualouse o choque ata o descanso. Na última media hora, o Chantada foi a polo partido e os locais quedaron cun home menos por unha lesión. No minuto 90, unha falta levou os tres puntos para o Sangoñedo. Aínda tiveron tempo os visitantes de errar un penalti no desconto. Lucas debutou no Chantada. Oitavo xuvenil que o fai esta campaña.

*Riotorto-Sporting Pontenova: Igualdade e bon xogo nun dos derbis mariñáns da xornada. Bo xogo e alternativas pero foi o que Riotorto o que se adiantou por dúas veces. No entanto, a Pontenova sacou un punto no  89 e puido levar os tres de non ser porque Diego López detivo un penalti no último minuto. A última xornada será unha auténtica batalla por fuxir dos temidos arrastres.

*Xermade-Santaballés: Cómodo triunfo dun Santaballés que se atopou cun regalo nada máis comezar. Mala cesión que Dani fixo boa no un para un. O cadro local apenas creou perigo no derbi, agás unha boa falta de Chungui que parou Muelles. Palomo sentenciou contra o remate, cun chut cruzado.

*Sarriana-Monterroso: A mellor versión do cadro de Adrián Vázquez levou os tres puntos da Ribela. Óscar Méndez vive unha segunda xuventude neste tramo final de tempada, como así o demostra o gol que asinou dende corenta metros. Espectacular. A pesares da derrota, a Sarriana aínda pode gañar a Liga. Precisa vencer no seu encontro e que o Foz perda na derradeira xornada.

*San Ciprián-Bóveda: Unha parte para cada equipo. O Bóveda estivo mellor na primeira metade e perdonou oportunidades. No minuto 29, os de Cabanelas quedaron cun home menos. Na segunda metade, e a raíz do primeiro gol do San Ciprián, os visitantes viñéronse abaixo mental e físicamente. Aí, os de Tomás Costa aproveitaron para sentenciar. Agora, a ver se os mariñáns son quen de acadar a permanencia na última data.

*Páramo-Pastoricense: A necesidade dos puntos fixo saír ao Páramo a por todas. Os de Fontal dominaron o encontro de principio a fin. Casillas salvou o perigo na primeira metade, na que houbo gol pantasma de Álex incluido. O central lucense resarciuse na reanudación, marcando un gol clave no futuro próximo do cadro das Rapadas. A entrada de Fede e Robertito despois do descanso deulle un plus aos locais, que viron como o Pastoricense dispuxo de dúas boas ocasións para empatar no arreón final.

*Valadouro-Foz: O cadro de Julio Castro levou o derbi pola mínima e privou ao Foz de levar o campionato. Máxima efectividade do Valadouro para firmar un triunfo clave pola permanencia. Os locais souberon sufrir nos últimos vintecinco minutos ante a insistencia do líder. O tanto de Cora pode significar a presenza dos do Árbol un ano máis na categoría.

*Lemos-Xove Lago: O contragolpe do conxunto mariñán impuxo a súa lei na primeira metade. Especialmente, Juanjo Coello, que se aproveitou da mala primeira metade dos monfortinos. O ariete segue en estado de gracia. Él mesmo puxo a sentenza nas postrimerías do encontro, en medio dunha segunda metade na que o Lemos reaccionou sen sorte.

*Taboada-San Roque: Os capitalinos son novo equipo de Segunda Galicia. Arturo adiantou aos de Manolo García, que controlaron o choque ata a expulsión de David. Marcos igualou na acción posterior ao cartón vermello, de falta. Montes conseguiu o segundo antes do descanso e o Taboada aumentou aínda máis as diferenzas nunha falta rápida na segunda metade. Dende aí, o San Roque tivo a posesión pero faltoulle creatividade nos últimos metros.

Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.