Destacados Primeira. Xornada 25

A Pontenova sorrí a base de goles e o Chantada Atlético vive a súa tarde máis difícil. Todos os detalles da xornada aquí

*Chantada-Burela: O cadro de Juan Rodríguez atopou un rival moi duro en medio dos festexos da Feira do Viño. Adiantouse o Burela moi pronto cun gol de Jairo. Co paso dos minutos, o Chantada madurou o encontro e empatou nesa mesma primeira metade. O cadro vermello mantivo o seu bo facer á volta dos vestiarios e certificou a remontada. Despois dese segundo tanto, non foi quen de pechar o encontro. Os mariñáns deixaron unha notable imaxe e dispuxeron de ocasións suficientes para empatar. Iso sí, os chantadinos tamén tiveron as súas para sentenciar.

*San Ciprián-Taboada: Superioridade dun Taboada que firmou dous grandes goles antes do descanso. O cadro de Lekumberri recurtou diferenzas nesa mesma primeira metade. Porén foi un espellismo. O conxunto de Martín Murado non temeu polo triunfo en momento algún. E mesmo dispuxo de ocasións para lograr un resultado máis abultado.

*Pol-Riotorto: Os de Labrada seguen en serios problemas. Un erro visitante propiciou o gol de Iván González nunha primeira metade moi igualada. Xusto á volta do descanso, máis do mesmo. Outro fallo do que sacaba tallada o ‘killer’ do Pol. A partires de aí, os de Abad tiveron ocasións para sentenciar. E o Riotorto xerou suficientes oportunidades para, cando menos, marcar o gol da honra.

*Atlético Escairón-Friol: Demasiado centrocampismo en noventa minutos pouco vistosos para o espectador. Os de Eskalza adiántaronse cun golazo pola escadra de Omar. O Friol mostrou argumentos de sobra na segunda metade para empatar. E así o fixo, a dous minutos do remate. Alberto Buján perdonou o 1-2 e o Atlético Escairón conseguiu o triunfo no tempo de desconto. Dende o punto de penalti.

*Páramo-Lemos: Man de ferro dun líder que xogou unha hora en inferioridade numérica. O marcador non se moveu nunha primeira metade na que o Lemos fabricou moitas chegadas sen sorte. E o Páramo non xerou perigo coa súa fórmula de repregamento e contragolpe. A superioridade visitante incrementouse tralo descanso. Gonzalo, cun lanzamento dende a frontal, deulle tres novos puntos ao equipo de Edu.

*Sporting Pontenova-Pastoricense: Sorrí o cadro de Andrés Bouza despois de impoñerse ao Pastoricense. Os de Fran Veiga adiántaronse no marcador e puideron marcar máis na primeira metade. A Pontenova igualou o duelo no primeiro tempo. E levouse o gato á auga na reanudación. Matelo asinou un hat-trick e encheu de confianza á parroquia da Mina. Raúl, na prolongación, maquillou levemente unha segunda parte para o olvido dos do Acebreiro.

*Outeiro de Rei-Chantada Atlético: Só houbo corenta e cinco minutos de fútbol no Municipal. O Chantada Atlético presentouse con só nove xogadores. Non foi o único problema que tivo. Durante o encontro lesionouse de gravidade Fran Regal. Así como dous xogadores máis en menor medida, o cal impediu continuar o choque despois do tempo de lecer. No relativo ao xogo, o Outeiro de Rei mandou. Iso sí, so viu porta dende os once metros. Jorge Pereira non fallou dende o punto de penalti. Aínda así, o resultado final: 3-0.

*Monterroso-Xove Lago: Encontro trabado e no que predominou o fútbol directo sobre o maltreito céspede de Cerdeiriños. O Monterroso evitou, ata baixo paus, o gol do Xove Lago na primeira metade. Na segunda, a lesión muscular dun activo Óscar Méndez supuxo unha importante baixa para os de Román. No entanto, non lle perderon a cara ao partido. E tiveron un balón ao pau, ao igual que o seu rival. A pelota non quixo entrar.

*Residencia-Santaballés: Os de Álvaro Meilán confirmaron a súa candidatura ao ascenso despois de superar ao Santaballés. A Residencia controlou o partido pero non foi quen de pechar os puntos ata o cuarto de hora final. Os chairegos sempre compiten ata o desenlace. O xuvenil Veloso, que tivo gran protagonismo, marcou o terceiro e definitivo tanto xa en tempo de desconto.

 
Luca´s Grill
Moreno´s Pizza
Imagen por defecto
Diego Díaz Martínez

Un enfermo do fútbol lucense. Adestrador Nivel-3 UEFA PRO

Artículos: 857

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.