Criss volve xogar en Terceira e Julio Delgado estréase

As consecuencias da pandemia dificultan seguir con claridade o devir da Terceira Galega. Este mércores xogáronse algúns partidos aprazados. A vindeira semana (Mércores de Cinza) e a seguinte finde (Domingo de Piñata) aproveitarase tamén para recuperar as citas pendentes na categoría. Dos xogados esta noite; dous deles contaron con presenza lucense:

Fisterra 0-3 Somozas: Aldán Naval estivo na convocatoria, pero non dispuxo de minutos na vitoria do Somozas na Costa da Morte. Tres puntos máis cos que o conxunto de Ferrolterra aumenta a distancia na cabeza da zona norte. Agora quédalle un partido pendente de xogar. Precisamente contra o seu rival máis directo, o Begantiños. Sepáranos catro puntos, pero o cadro de Carballo ten tres partidos menos. Cinco puntos é a distancia que ten o Somozas co Polvorín. E o conxunto capitalino fáltanlle dous duelos por desputar.

Arenteiro 0-0 Arousa: Víctor Eimil e Ross xogaron todos os minutos. O primeiro no conxunto do Carballiño e o segundo no de Vilagarcía. Duelo cabeceiro no grupo sur que acabou en empate pero co gol avarage favorable ao Arenteiro. O conxunto verde mantense de líder cunha diferenza de tres puntos. Os dous equipos teñen un partido pendente de xogar.

No que respecta a décimo sexta xornada da 1ª fase xogada a pasada finde, as consecuencias da covid provocaron o adiamento de tres encontros con participación lucense. Pola súa banda, os #LucensesNaTerceiraGalega volveron ter protagonismo. E dous xogadores da provincia tiveron minutos na categoría por primeira vez nesta campaña

O partido con máis lucenses:

Once xogadores da provincia xogaron o Viveiro 2-1 Paiosaco. Nove foron titulares no cadro viveirense e dous entraron na segunda parte. Precisamente dous xogadores focenses: Asier e Criss. O dianteiro participou no primeiro encontro coa camisola celeste. Volveu xogar en Terceira case cinco anos despois. A súa última temporada na categoría foi a campaña 2015/2016. Aquel curso fora titular 23 encontros e participara en 34 partidos co Ribadeo. Ademais o atacante aportara catro goles.

Julio Delgado volve a Galicia tras xogar en varios equipos ao longo da xeografía española

Julio Delgado: fichaxe e titularidade:

O futbolista de Burela foi xa da partida na primeira oportunidade que tivo de vestilo ‘10’ do Ourense CF. O cadrou ourensán derrotou ao Atios (3-0). O equipo segue medrando na clasificación. Julio xogou practicamente todo o choque. Foi trocado nos últimos intres. É a primeira vez que Julio xoga na Terceira División. Logo de rematar a súa etapa no Celta xuvenil formou parte do filial vigués en Segunda B. Despois, o resto de equipos nos que xogou, foi sempre na división de bronce.

Os triunfadores:

Cinco futbolistas lucenses estiveron presentes nun dos grandes partidos da xornada. O Polvorín asaltou o Manuel Candocia con catro da provincia. Julen, Martín e Dani Vidal foron titulares e xogaron todo o encontro. David Guitián saíu no segunto tempo. No Somozas saíu na segunda metade Aldán Naval. O viveirense entrou no minuto 58 por Diego Garrido. Un cambio ofensivo co que os pupilos preparados por Jairo Bello conseguiron recurtar diferencias. Non obstante, era o día do conxunto albivermello.

Víctor Eimil xogou todo o encontro no triunfo do Arenteiro pola mínima ante o Estradense. O vilalbés está saíndo de entrada xa nos últimos encontros. Logo de que na primeira volta a súa presenza fose máis intermitente. Con todo xa acumula nove participacións neste curso.

Duelo lucense no sur:

En Santa Mariña igualaron o Choco e o Arousa (2-2). Alberto Suárez no cadro redondelán e Ross no conxunto de Vilagarcía xogaron todo o encontro.

Máis lucenses:

Álex Vázquez e Pedro Delgado foron titulares na visita do Arzúa a Santa Isabel. Pedro xogou todo o encontro e Álex foi recambiado ao inicio do segundo tempo. O cadro arzúan volveu á competición logo de dúas xornadas sen xogar. Brais Prieto tamén estivo na convocatoria do conxunto arzúan. Pero non tivo a oportunidade de xogar.

Iván Abel Bruzos foi o colexiado do Rápido de Bouzas 1-0 UD Ourense. Estivo asistido nas bandas por Alberto Blanco Méndez e Jesús Adán Gallego.

Partidos aprazados con representación lucense:

BergantiñosAs Pontes
Fabril – Racing Villalbés
Fisterra – Silva (arbitraba ademais Pérez Prado)

Luca´s Grill
Moreno´s Pizza
Imagen por defecto
Iván Calaza

Criado no paraíso da Terra Chá. Fútbol, entre outras moitas cousas. Hai unha vida máis barata, pero iso non é vida nin é nada.

Artículos: 549

Deja un comentario

Los datos que proporciones mediante este formulario serán tratados por Futbolinlugo como responsable de esta web. La finalidad de la recogida de estos datos se realiza solamente para responder y moderar los comentarios. Estos datos estarán almacenados en los servidores de PROFESIONAL HOSTING, situados en la Unión Europea (política de privacidad de Profesional Hosting). Puedes ejercer tus derechos de acceso, rectificación, limitación y supresión enviando un correo electrónico a diegopolc8@gmail.com.